بوگون «شنبه» نمایندهلر کینگشینینگ عمومی ییغینیده، مرکزی بانک باشلیغی خلیل صدیق، دالر برابریده افغانی پول بهاسی کمهیگنی، مملکتنینگ ایریم ولایتلریده کلدار و تومان چلشی و خصوصی بانکلرنینگ وضعیتی توغریسیده معلومات بیریشی اوچون چقیریلگن ایدی.
نمایندهلر کینگشی اعضالریدن بیرقطاری، مملکت بازارلریده افغانی پول اورنیده باشقه بیر چیت ایللیک پول چلشینی مملکت ملی حاکمیتی سوراق آستیده بولگنینی بیلدیرهدی دییدی و بو توغریده بانکلرنی مدیریت سیزلیککه عیبلیدی.
اولر، مرکزی بانک باشلیغیدن نیمه اوچون حاضرگهقدر چیتایل مملکتلر پولینینگ چلشینی آلدی آلینمهگنینی سورهگن.
بیراق، مرکزی بانک باشلیغی خلیل صدیقنینگ ایتیشیچه، قانون اساسیده، بازارده پول بهاسینی اثباتلش مرکز بانک وظیفهسی ایمس دیر. باشقه تاماندن جناب صدیق گه کوره، مملکتده موجود سیاسی ثباتسیزلیک، سوداگرلیک کمهییشی، صادرات و واردات توغری شکلده مدیریت ایتیلمهگنی و برچهسیدن آرتیق ییللیک درآمد باعث، امریکا دالری برابریده افغانی پول بهاسی کمهیگن.
جناب صدیق گه کوره، دنیا بازاریده دالر بهاسی یوقاری کیتگنی سبب، اونینگ برابریده افغانی پول بهاسی قویی توشگن. بو توغریده اونینگ ایتیشیچه، اولر اوتگن ییلگه نسبتن جاری ییلده 300 میلیون دالردن آرتیق بازارگه ترقهتگن و بونگه اساس، توپلم شکلده، بازارگه 1.1 میلیارد دالر ترقهتیلگن.
عین حالده، مرکزی بانک باشلیغینینگ ایتیشیچه، دولتی بانکلرده بانکی خذمتلرنی یوقاری قیلیش اوچون بیر مکانیزم قوریلگن و شونینگدیک، بانکی قرضهلرنی ایشیگه ارهلشهدیگن خصوصی بانکلرنینگ سهمدارلریدن بیرقطاری چیکلنتیریلگن. اونینگ ایشانچی گه کوره، قانون نقطهای نظریدن مملکت بازارلریده ایران تومانی و پاکستان کلدارینینگ ایشانچی کوپهییشی توغریسیده هیچ قندهی توسیق بولمهگن و بو موضوع عادی مسئله دیر.
