بوگون «شنبه» هرات ولایتیده غرب زونی گه تیگیشلی تورت ولایت مسؤوللری و بویوکلری حضوریده یولگه قوییلگن یغینده، شخصی ملکیتلرنی رویخط گه آلیش برنامه جمهور رییس محمداشرف غنی تامانیدن آچیلدی. اوشبو ییغینده، جمهور رییس هرات یشاوچیلریدن 6 تهسیگه ملکیت حجتی بیردی.
جمهور رییسنینگ کوپهیتیریشیچه، بوندن سونگ حکومت چارچوبهسیده ریجهسیز منطقه و جایدادلرگه اورین یوق دیر.
عین حالده، مملکت ییر بوتونلیگی ادارهسی عمومی باشلیغی جواد پیکارنینگ ایتیشیچه، حاضرگهقدر 8 شهرده 400 مینگدن آرتیق اولتیریش اوی رویخط گه آلینگن و میلادی 2020- ییلنی آخریگچه بیر میلیون دن آرتیق کیشیگه ملکیت حجتی بیریلهدی. اونینگ کوپهیتیریشیچه، اوشبو برنامه اهالی تامانیدن آلغه آلیب باریلیشی کیرهک؛ چونکه بو برنامه اولرنینگ منفعتی گه دیر.
شونینگدیک، اهالی گه ملکیت حجتی بیریلیشی و غیر رسمی منطقهلرنی رویخط گه آلیش برنامه باشلهنیشینی خوش قرشیلگن هرات حاکمی محمدآصف رحیمینینگ ایتیشیچه، بو برنامه ییر غصبگه آلینیشی و جنجللرگه توسیق بولهدی. اونینگ کوپهیتیریشیچه، ایشانچلی و رسمی حجت مُلک ارزشینی یوقاری قیلهدی و اونینگ ایگهسی، کیلهجکده اوز مُلکینی ساتیشده قیینچیلیککه دوچ کیلمهیدی.
عین حالده، ملکیت حجتی ترقهتیلیشینی خوش قرشیلگن هرات یشاوچیلریدن بیرقطارینینگ ایتیشیچه، حاضر ملکیتلردن کوپیسینی قیینچیلیگی بار و شو یوزهدن بو ییرلرنی اوستیگه سرمایه یاتقزیب بولمهیدی.
