افغانستان ملی تدارکات ادارهسی «افغانستاننینگ آچیق و الکترونیکی تدارکات سیستمی» ایجاد ایتیلگنیدن کمیده ایکی آی اوتگنیدن سونگ، بوگون کابلده مدنی جماعهچیلیک اعضالری و قوریلیش شرکتلرنینگ نمایندهلرینی اشتراکیده «عامه تدارکاتیده خصوصی بولیمدن حمایت قیلیش» نامیده ییغین اوتکزدی.
ملی تدارکات ادارهسینی عمومی باشلیغی الهامعمر هوتکینینگ ایتیشیچه، اوشبو سیستم خصوصی بولیم رواجلنیشی اوچون قولیلیک یرهتیلیشی، تدارکاتی جریانیده تنیقلیک تأمین ایتیلیشی، شرکتلر تیکشیریلیشی و اولرنینگ تخصصی ظرفیتی یوقاری کوتریلیشی، تکلیفلر تیکشیریلیش جریانی چقانلنیشی و شرکتلرگه درجهبندلیک اساسیده، تصدیقنامه بیریلیشی اوچون ایجاد ایتیلگن.
هوتکینینگ ایتیشیچه، قوریلیش شرکتلرنینگ مسؤوللریگه اوشبو سیستمده شرکتلرینی رویخطگه بیریش اوچون 3 آی وقت بیریلگن.
اونگه کوره، اوشبو سیستمنی عملی ایشی کیلهجک ایکی آیده باشلنهدی و بیرینچی باسقیچده 200 شرکت بو تیزیمده رویخطگه آلینهدی؛ شونینگدیک، قوریلیش بولیمیده فعالیت قیلهدیگن شرکتلرگه اولویت بیریلهدی.
ملی تدارکات ادارهسی مسؤوللرینینگ ایتیشیچه، ایکینچی باسقیچده لوژیستیکی شرکتلری افغانستاننینگ آچیق و الکترونیکی تدارکات سیستمیده رویخطگه آلینهدی.
اوشبو ییغینده اشتراک قیلگن قوریلیش شرکتلرنینگ مسؤوللریدن بیرقطاری، افغانستاننینگ آچیق و الکترونیکی تدارکات سیستمی ایجاد ایتیلگنیدن خرسندلیک بیلدیرگنلر.
قوریلیش شرکتلرنینگ مسؤوللریدن ایکی کیشی عبدالحلیم و ضیاءالرحمان عثمانینینگ ایتیشیچه، اوشبو سیستمدن حمایت قیلیب و شرکتلرینی رویخطگه بیرهدیلر.
عین حالده، افغانستان شفافیت ادارهسیده بولگن تدقیقاتچی ناصر تیموری، افغانستاننینگ آچیق و الکترونیکی تدارکات سیستمیدن ناتوغری فایدهلنیشی توغریسیده خواطر بیلدیرگن.
اونگه کوره، حکومت ادارهلری بو توغریده یاردم بیرمهگن صورتده، مذکور سیستم ایجابی نتیجه بیرمهیدی.
ملی تدارکات ادارهسی مسؤوللرینینگ ایتیشیچه، افغانستاننینگ آچیق و الکترونیکی تدارکات سیستمی تدارکاتی جریان ترقیاتی اوچون جاری ییل اسد آییده ایجاد ایتیلگن و اوندن سونگ، افغانستان عامهوی الکترونیکی تدارکات خلق ارا کنفرانسینینگ اعضالیگینی قولگه کیریتگن.
