قندوز ولایتیده ایکینچیلیک ریاستینی سرپرستی محمدمنیر نیازینینگ سلاموطندارگه ایتیشیچه، مذکور ولایتنینگ مرکزی و 9 تومنیده ایکینچیلیک وزیرلیگی 15 میلیون و 750 مینگ افغانی ارزشی گه مهییز ایشلب چیقارهدیگن 35 زمانهوی ایشخانه قورگن.
جناب نیازیگه کوره، اوشبو مهییز ایشلب چیقارهدیگن ایشخانهلرنینگ قوریلیشی ایکینچیلرنینگ اقتصادیگه ایجابی تاثیر قویهدی.
قندوز ولایتیده باغدارلیک و چارواچیلیک ملی لایحه مسوولی محمدغلام ملاخیلنینگ ایتیشیچه، اوشبو مهییز ایشلب چیقارهدیگن ایشخانهلر بیر زمانده 500 تن تازه انگورنی ایشلب چیقارهدی.
شو توغریده…
قندوز ولایتیده باغدارلردن بیری حاجی رحمتشاه نینگ ایتیشیچه، اوشبو مهییز ایشلب چیقارهدیگن ایشخانهلرنینگ قوریلیشیدن آلدین جدی قیینچیلیکلر بیلن روپهره بولهریکنلر.
مهییز افغانستاننینگ اونملی صادراتی توارلریدن سنهلهدی. انهشو سبب زمانهوی مهییز ایشلب چیقارهدیگن ایشخانهلرنینگ قوریلیشی مهییز ایشلب چیقاریش توغریسیده باغدارلرگه همکارلیک قیلهدی.
