بوگون «شنبه» بامیاننینگ شیبر تومنیده بامیان-دوشی قتناو یولینی بیرینچی بولیمینی ایشی مملکت جمهور رئیسی محمداشرف غنی و جمهورلیک ریاستینی ایکینچی اورین باسری سرور دانش آرقهلی آچیلدی. بامیان- دوشی قتناو یولی شیبر تومنینینگ دوآب منطقهسیدن 150 کیلومتر اوزونلیگی بیلن مذکور ولایتنی بغلان ولایتینینگ یولیدن مملکتنی شمالی ولایتلریگه باغلهیدی.
اوشبو قتناو یول آچیلیش مراسمیده جمهور رئیس غنینینگ ایتیشیچه، بامیان-دوشی قتناو یولی فایدهلنیش گه تاپشیریلگنیدن سونگ، مرکزی افغانستان چیگللیکدن چیقیشی ممکن. جناب غنی گه کوره، مرکزی افغانستان، افغانستاننی حرکتلی یورهگی گه اوزگریشی لازم. بو ملی بیرلیک حکومتینینگ شعاری بولگن و هر ییل بو شعار کوپراق عملگه آشیریلهدی.
عین حالده، مملکت فواید عامه وزیری یما یاری نینگ ایتیشیچه، بامیان-دوشی قتناو یولی 6 باسقیچ ده قوریلهدی و اونینگ بیرینچی بولیمینی خرجتی کمیده 27 میلیون دالر تخمین ایتیلیب باشلنگن.
شونینگدیک، جمهور رئیس و ایکینچی اورین باسرینینگ بامیان گه قیلگن سفریده، خرجتی کمیده 80 میلیون دالر تخمین ایتیلگن 3 برق ییتکزیش پروژه آچیلگن. مذکور 3 پروژه دوشیدن بامیان گچه 220 کیلوولت برق لینینی انتقال بیریش، 220 کیلوولت برق ایستیشنی و 20 مینگدن آرتیق عایله گه برق ترقهتیش ترماقدن عبارت بولگن.
پروژهلرنی آچیش جریانیده جمهور رئیس غنینینگ ایتیشیچه، بو برق یالغیز اولتیریش اویلرنی یاغدو قیلیش اوچون ایمس؛ بلکیم کانچیلیک، ایکینچیلیک، یوکتاشیش و باشقه آغیر صناعتلر اوچون فایدهلنهدی.
شونینگدیک، برشنا شرکتی باشلیغی امانالله غالب نینگ ایتیشیچه، مذکور 3 پروژهنینگ قوریلیش ایشی تیزیم شکلده 43.8 میلیون، 11.6 میلیون و 24.1 میلیون دالر خرجت کوترگن.
شوندهی بیرحالده، بامیان یشاوچیلری و یاغدولیک حرکت اعضالریدن بیرقطاری، جمهور رئیسنینگ سفری و 3 برق پروژهسی آچیلیشیگه عکسالعمل بیلدیریب، 500 کیلوولت برق لینی بامیاندن اوتکزیلیشی و مملکتنینگ مرکزی منطقهلرینی خوفسیزلیگی تأمینلنیشینی سورهگنلر. اوشبو اعتراضچیلردن عبدل دانشیار و رضا کرمانی نینگ ایتیشیچه، جمهور رئیس غنی و همراهی بولگن هیأت بامیانده نمایشی پروژهلرنی آچیش جایی گه ارزگان، جاغوری و لعلوسرجنگل گه باریب مرکزی منطقهلر و قتناو یوللرنینگ خوفسیزلیگینی تأمین قیلیشی کیرهک.
رسمیلرنینگ ایتیشیچه، بامیان-دوشی قتناو یولی سالنگ تونلی گه بدیل دیر و شونینگدیک، 220 کیلوولت برق لینی بامیان یولی مملکت جنوب و شرقی گه اوتکزیلیشی خصوصیده قرار قیلینگن 500 کیلوولت برق لینی گه بدیل بولگن.
