سیلاولر ایرکین کمیسیونی گه 1000 کیملیک رویخطگه بیریش نمایندهلر کینگشیده کاندید بولیش شرطلریدن بیری دیر. بیراق، اوزلرینی نمایندهلر کینگشیده کاندید قیلهدیگنلردن بیرقطاری، شرط قوییلگن کیملیک نی ساتیب آلهدیلر.
سلام وطندارگه صحبت بیرگن کابل یشاوچیلریدن بیری نورالدیننینگ ایتیشیچه، آرقهداشلریدن بیری اوندن کیملیگی نی 500 افغانی ساتیشینی ایستهگن. بیراق نورالدین کیملیک بهاسی یوقاری کیتیشی نی کوتهدی.
نورالدیننینگ ارقهداشلریدن بیری شفیق هم کیملیگی نی کپراغی پول گه ساتیشنی کوتیب تورگن. اونینگ ایتیشیچه حاضرده بیر کیملیک بهاسی 3000 افغانی گه قدر یریشگن.
شفیقنینگ ایتیشیچه، عایله اعضاسی و ارقداشلریدن 23 کیملیک توپلهگن. او پولی کوپ بولگن کاندید بیلن کیلشوگه امید ایتهدی .
شونینگدیگ پروان ولایتی کینگش اعضالریدن بیری، بیر کیملیک 1000 افغانی دن 100 دالرگچه ساتیلیشی نی فسبوک صحیفه سی گه یازگن ایدی.
بیلیم یورت اوقیتووچیلریدن بیری اکرم عارفی گه کوره، اوشبو خصوصیده قانونی تکلیف یوق؛ بیراق آوازنینگ پول قرشیلیگیده آلماشتیریلیشی فساد گه سبب بولهدی.
سیلاولر ایرکین کمیسیونینینگ باشلیغی گلاجان عبدالبدیع صیاد، اهالی دن پول قرشیلیگی ده کیملیکلری نی اوزلری نی کاندید قیلهدیگن لرگه ساتمسلیگی نی سوریدی.
قولابی کیملیک لرنینگ آلیب ساتیلیشی جناب صیادنینگ اصلی خواطرلریدن دیر. او جمعیت نی رویخطکه آلیش اداره سیدن اوشبو ایش گه توسیق بولیشی نی ایستهدی.
جمعیت نی رویخطکه آلیش اداره سینینگ سوزلاوچیسی روح الله احمدزینینگ ایتیشیچه، سیستم کمپیوتری بولمگن حالده قولابکارلیک احتمالی باردیر؛ بیراق مذکور اداره قولاب کارلیککه توسیق بولیش اوچون بیرقطار برنامهلرنی قولگه آلگن.
جناب احمدزی گه کوره، احتمالی قولابکارلیک ده توسیق بولیش اوچون ینگی کیملیک لرده امنیتی کود یرلشتیریلگن،
سیلاولر ایرکین کمیسیونینینگ ایتیشیچه، احتمالی قولابکارلیک لرگه توسیق بولیش اوچون جمعیت نی رویخطکه آلیش اداره سیدن کیملیک آلگن کیشی لر رویخطی نی اوشبو کمیسیون اختیاری گه قرار بیریشی نی ایستهلگن.
