افغانستان شمالیده ایکینچیلیک وزیرلیگینینگ باغدارلیک و چاروادارلیک ایشلری بوییچه ملی برنامه مسؤوللری، بلخ ولایتیده 10 بلیق ییتیشتیرووچی فارمدن فایدهلنیش باشلنگنیدن خبر بیرگن.
مملکت شمالیده ایکینچیلیک وزیرلیگینینگ باغدارلیک و چاروادارلیک ایشلری بوییچه ملی برنامه مسؤولی فهیم جبارینینگ ایتیشیچه، اوشبو فارملرنی هر بیری آییده 7-8 تُن بلیق ییتیشیرهدی.
بلخ ولایتیده بلیق فارملری ایگهلرینینگ ایتیشلریچه، ییلده بو ایشدن 7-8 یوز مینگ افغانی درآمد قیلهدیلر.
بلخ ولایتیده ایکینچیلیک ریاستینینگ ایتیشیچه، مذکور ولایتده حاضر 18 بلیق ییتیشتیرووچی فارم فعالیت قیلهدی و کیلهجک بیش ییلگچه بو ولایت بلیق ییتیشتیریش نقطهی نظردن خودکفا بولیشی ممکن.
بلخ ولایتیده ایکینچیلیک ریاستینی سرپرستی ذبیحالله زوبیننینگ ایتیشیچه، اوشبو ولایت فارملریده کمیده 60 مینگ بلیق موجود.
ایکینچیلیک، سوو ییتکزیش و چارواچیلیک وزیرلیگی تامانیدن بیریلگن معلومات اساسیده، هر ییل مملکتگه 30 میلیون دالرگه بلیق آلیب کیلینهدی.
