بوگون (دوشنبه) افغانستان فواید عامه وزیرلیگینینگ مسووللری، تیمیر یول ادارهسی نینگ لایحهسی همده آلغهسیلجیش توغریسیده گزارش بیریب، آتامراد – آقینه تیمیر یولی ایشگه توشیشی بیلن قیسقه مددت ایچیده مذکور بندر آرقلی تجارت ساحهسیده بنیادی ایشلر بولگن لیگینی بیلدیرگنلر. رسمیلر، عملگه آشیریلگن برنامهلر اساسیده مذکور بندرنینگ تجاری تَورلر حجمی میلادی 2017- ییلده بیر میلیون تُن و 2018- ییلده ایسه 3 میلیون تُنگه آشیشی ممکن دیگنلر.
ییغینده صحبت قیلگن مملکت فواید عامه وزیری جناب محمود بلیغ، آقینه بندرینینگ تیمیر یولی مملکت نینگ جنوبی، شمالی غربی و شرقی دهلیزلری آرقهلی کینگیتیریلیشی اوچون سعی وحرکتلر باشلنگن دیگن. اونینگ سوزلریگه کوره، کیلهجکده مذکور تورت دهلیزنینگ احتاجی انابتگه آلینگن حالده، بو تیمیر یول مملکتنینگ باشقه منطقهلریگه هم کینگیتیریلهدی.
مملکت فواید عامه وزیری، آقینه بندرینینگ تیمیر یولی اندخوی و مزار شریفگه آلیب باریلگن حالده، تَورلرنینگ کیلتیریش و صادر قیلیش میزانی بیش برابرگه آشیشی ممکن دیگن. بو تیمیر یول ایسه افغانستاننی تاجکستان، قزاقستان، ایران و چین دولتلری بیلن باغلیدی دیگن جناب بلیغ.
آتامراد – آقینه خلق ارا تیمیر یولی اوتگن هفته (دوشنبه) افغانستان جمهور رییسی حضوریده ترکمنستانده آچیلیب ایشگه سالیندی. ترکمنستان نینگ امام نظر منطقهسیدن باشلنگن 93 کیلیو متر اوزونلیکده بولگن مذکور تیمیر یول افغانستان نینگ آقینه بندریگه کیلیب تاقیلهدی.
