ایکینچیلیک، چاروادارلیک و سوولنتیریش وزیرلیگی مسئوللری، کرونا ویروسی کینگهیگنی باعث ایکینچیلیک محصولاتلری نینگ صادر قیلیش گه موجود توسیقلیکلرگه جواب بیریش اوچون ایکینچلیک صادراتی محصولاتلرنی مدیریت قیلیش ریجهسی تطبیق ایتیلیشیدن خبر بیردی.
بوگون (یکشنبه 14- ثور) مذکور وزیرلیک طبیعی منبعلر و سوولنتیریش معینی حشمتالله غفوری خبری بیر ییغین آرقهلی ایتیشیچه، مذکور ریجه اساسیده، ایش جریان تاپهدیگن 600 مهییز اویی گه علاوه، کیلهجک 4 آی گچه 16 تن مهییز ظرفیتی گه ایگه بولگن 4 مینگ و 332 باشقه مهییزاویی قوریلهدی.
مذکور ریجه اساسیده، 14 مینگ و 633 پیاز و کچالو سقلنهدیگن موزخانه 5 – 10 تن ظرفیت بیلن و شونینگدیک انار، اوزوم و آلمه سقلنهدیگن 884 موزخانه قوریلیشی ممکن.
عین حالده، میوه و سبزهواتلرنی قوریتهدیگن بیر مینگ ماشین دهقانلر و باغدارلرگه ترقهتیلیشی ممکن.
ایکینچیلیک وزیرلیگی مسئوللری نینگ ایتیشلریچه، مذکور ریجه عمل گه آشیریلیشی بیلن 50 فایز دن آرتیق ایکینچلیک محصولاتلرنی خراب بولیشی و ضایع بولیشی نینگ آلدی آلینهدی.
سوولنتیریش و طبیعی منبعلر معینی گه کوره، بو ریجه عمل گه آشیریلیشی اوچون 13.7 میلیارد افغانی بودجه اَجرهتیلگن کیم بولردن 8 میلیارد افغانی حاضرگچه بو وزیرلیک اختیاری گه قرار تاپگن.
مذکور پروژهلر رواجلنتیریش کینگشلر همکارلیگی و دهقانلرنینگ 10 فایزلیک سهمی بیلن کیلهجک 4 – 6 آی گچه فایدهلنیش گه تاپشیریلیشی ممکن.
مذکور ریجه عملی بولیشی بیلن 60 مینگ و 309 کیشی گه دایمی ایش و 191 مینگ و 670 کیشی گه دایمی ایش زمینهسی یرهتیلهدی.
