.JPG)
هرات نورم واستندرد ریاستی پاره آلیش بیلن مملکتگه صفتسیز تیل کیلتیریلشیگه رخصت بیرهدی. هرات ولایتیده نورم استندرد ریاستی و "جیوکم" هندی کمپنیسی مملکتگه صفتسیز یاقیلغی مادهلر کیلتیریلمس لیگی اوچون وظیفه لنتیرلگنیگه قرهمی، اما هرات ولایت کینگشینینگ اعضالری مذکور اداره هراتنینگ اسلام قلعه و تورغندی بندری آرقهلی مملکتگه صفتسیز تیل کیلتیریلیشی اوچون فرصت یرهتگن دیگن.
هرات ولایت کینگشینینگ باشلیغی کامران علیزایینینگ بوگون بیر خبری ییغینده نورم استندرد ادارهسی آرقهلی مملکتگه صفتسیز تیل کیلتیریلیشیگه عاید حجتلرنی مدیاگه فاش قیلدی.
جناب علیزایی گه کوره، کونده اونلب تانکر صفتسیز تیل مذکور ادارهنینگ تصدیغینی آلگندن سونگ مملکتگه آلیب اوتیلهدی. ایتلیشیچه، هرات ولایتی کینگش ادارهسی، باشقرهلاوچیلیک، امنیه قوماندانلیگی و هرات یاقیلغی مادهلر ادارهسیدن تشکیل بولگن هیات مملکتگه آلیب کیلینه دیگن اوچ تانکر صفتسیز تیلنی توختهتیب قویگنی یوقاریدهگی ادعا اوچون انیق مثال بولگن.
هرات ولایت کینگشی ادارهسینینگ باشلیغیگه کوره، موضوع نیچه بار ولایت محلی رسمیلری بیلن شریک قیلنگن، لیکن ولایت محلی ادارهسی اینیقسه ولایت والیسی مساله اوچون بی فرق یاندهشگن. بیراق هرات ولایت والیسی محمد
آصف رحیمی نینگ سوزلریگه کوره، اوشبو تیل صفتسیزلیگی تیکشیریلشی اوچون مخصوص هیات تعین قیلگن.
.jpg)
شونینگدیک ولایت کینگشینینگ باشلیغی فسادچیلر بیلن جدی یاندهشیلمهگن حالده، اهالی و ولایت کینگشی فسادچیلر مقابلیده توریشلری بارهسیده آگاهلنتیرگن.
اما هرات نورم و استندرد ادارهسینینگ باشلیغی، اوشبو اداره ده فساد موجودلیگینی رد قیلیب ایتیشیچه، بو اداره فقط نظارت قیلیش صلاحیتیگه ایگه. یاقیلغی ماده صفتینی تیکشیریش اوچون هیچ قندهی رولی یوق.
جناب امینینینگ سوزلریگه قرهگنده، صفتنی تیکشیریش و نمونه آلیش جیوکم شرکتیگه قرهشلی دیر و مملکتگه کیلتیریلگن تیلنینگ نمونهسی بو ادارهگه یوباریله دی. اونینگ صفتی تصدیق ایتیلگندن سونگ نفت مادهلری ذخیرهسیگه جایلشتیریلهدی.
عین حالده، ولایت والیسی محمد آصف رحمیی، 25 تُنلیک اوچ ذخیره تیکشیریلیشی اوچون هیات تعین قیلگن، صفتسیز یاقیلغی مادهلرنی مملکتگه کیلتیره دیگن کیشیلر عدلی و قضایی ادارهلرگه تانیشتیریلهدی دیگن جناب رحیمی.
بو توغریده جیوکم شرکت مسووللری فکرینی اورگهنیش اوچون آلیب بارگن سعی و حرکتلریمیز نتیجه بیرمهدی.
