افغانستان سوو و برف وزیرلیگی مقامیدن چیکلنتیریلگن علیاحمد عثمانی، بوگون «یکشنبه» کابلده چنایی بیر شرکت بیلن دایکندی ولایتینینگ سولری برق پروژه شرطنامهسینی امضاءلهدی.
5.5 میگاوات برق بیریشگه قادر بولگن اوشبو پروژهنی بودجهسی 13 میلیون دالردن آرتیق تخمین ایتیلگن و بو پول سوو و برق وزیرلیگینینگ رواجلنتیریش بودجهسیدن توللنهدی.
عثمانینینگ ایتیشیچه، مذکور پروژه دایکندی ولایتینینگ نیلی، میرامور، شهرستان و اشترلی تومنلرینینگ 7 ایری منطقهسیده عملگه آشیریلهدی.
سولری برق یانیده، باشقه برق ایشلب چیقارهدیگن ایکی منبع یاردمچی بیرووچی منبع صفتیده ایجاد ایتیلهدی.
اوشبو برق بیرهدیگن منبعلردن بیری جنراتور بولیب 4.3 میگاوات برق بیرهدی و باشقه بیری باطری بولیب 3.4 میگاوات برق بیرهدی.
اوشبو پروژه شوانگ دینگ شرکتی آرقهلی ایکی ییل جریانیده تیکشیریلیب، ریجهلنیب و عملگه آشیریلیشی ممکن.
