سلاموطندارگه صحبت بیرگن فاریاب ولایتینینگ صناعت و سوداگرلیک ریاستی باشلیغی نصیراحمد عظیمینینگ ایتیشیچه، فاریابده قالین و گلیم صناعتینی 70 فایزدن آرتیغی کسادگه اوچرهگن.
عظیمی گه کوره، کرزی حکومتینینگ زمانیده، هر آیده یوز مینگلب متر مربع قالین و گلیم توقیلیب چیقاریلهدی ایکن؛ بیراق حاضر بو رقم 50 مینگ متر مربع گه کمهیگن.
فاریاب ولایتی وطنی قالین و گلیملر توقیب چیقاریشی بیلن دنیا بازارلریده یخشی شهرت قازانگن؛ لیکن بو صناعت حاضر نابود ایتیلماقده.
فاریابیلیک قالین توقووچیلرنینگ ایتیشیچه، دولت بو صناعت بازاری گه دقت قیلمهیدی و اولر هم قالین و گلیم اوچون بازار یوقلیگی باعث، بو ایشدن قول تارتگنلر.
پیمان حیدری ابهلری بیلن بیرگه گلیم توقووچی بیر ایشخانهنی اداره قیلر ایکن. بو ایشخانهده 500 فاریابیلیک عیال فعالیت قیلر ایکن؛ بیراق سونگی پیتلرده قول بیلن توقیلگن گلیم ارزشی قوییشی توشگنی و بازار یوقلیگی اولرنی شکست گه روپهره قیلگن.
قالین و گلیم سوداگرلریدن بیری حاجی خیرمحمدنینگ ایتیشیچه، ایکی ییلدن بویان بو صناعتنی بازاری بوتونلهی سقوط قیلگن؛ اوتمیشلرده ایسه هر کون نیچه تخته قالین و گلیم ساتهدی ایکن.
فاریاب ولایتینی صناعت و سوداگرلیک ریاستی تامانیدن بیریلگن رقملر اساسیده، مذکور ولایتنینگ یشاوچیلریدن 30% قالین و گلیم توقیش صناعتی بیلن شغللنهدیلر.
ایتیلیشیچه، فاریاب ولایتینینگ غلموری، چوب رنگ و ایماقی گلیملری دنیا بازارلریده کوپلب مشتری تاپگن.
