هرات صناعت و تجارت اتاغینینگ مسووللریگه کوره، غرب دولتلرینینگ ایران برابریده بولگن تحریمی بیکار ایتیلیشی بیلن بو مملکت یولی بیلن افغانستانگه آلیب کیلینه دیگن تورلر بهاسی نینگ میزانی 66 فایزگه کمیگن دیگنلر.
رسمیلرنینگ سوزلریگه قرهگنده، تحریملر بیکار قیلینگندن کیین هر بیر کانتینرگه تولدیریلگن تورنی ایران عباس بندریگه ییتکزیش 2500 دالر تورردی؛ حاضر ایسه بو رقم 700دالرگه کمیگن.
غربنینگ ایران برابریده بولگن اقتصادی تحریملری «قوشمه لایحه تدبیری» اتم قورال برنامهسی تامانیدن جاری ییل قویاش آییده تصدیق لنگن ایدی.
اروپا بیرلیگینینگ 1+5 گروهی ییللب آلیب بارگن تارتیشودن سونگ جاری ییل سرطان آیی نینگ 23 – سیده ایران بیلن مساله اوستیده کیلیشدی.
هرات صناعت و تجارت اتاغینینگ باشلیغی سعد خطیبینینگ سلاموطندارگه ایتیشیچه، کونده اروپا، آسیا اینیقسه چین، هند و بعضی مملکتلرگه قرهلشی 100 دن آرتیق کانتیر ایران بندری آرقهلی هراتگه کیرهدی و افغانستانلیک سوداگرلر گه هم لازم درجهده آسانلیک یرهتگن.
خطیبینینگ سوزلریگه کوره، افغانستانگه آلیب کیلینه دیگن تورلر نرخی کمیشی بیلن بیرگه حاضر ایسه افغانستان محصولاتی ایران آرقهلی باشقه مملکتلرگه ییتکزیش اوچون سعی حرکت لربار.
شونینگدیک هرات صناعت و تجارت اتاغینینگ باشلیغی، ایران اقتصادی تحریملری بیکار ایلتیشی بیلن افغانستان ملی ملی تاجرلرینینگ ایران بانکلری آرقهلی چیت مملکتلرگه پول ییتکزیشی اوچون هم بعضی قُولیلیکلرنی یرهتگن دیگن.
اما، حکومتنی تنقید قیلگن هرات صنعیتچیلر رییسی حمیدالله خادم نینگ بیلدیریشیچه، ایراندن افغانستانگه آلیب کیلینهدیگن تورلرنی سیزیلرلی درجه آزیگن، ولی هنوز هم اوشبو تورلرنینگ نرخی افغانستانده ارزان بولمهگن.
هرات بیلیم یورت اقتصاد فاکولتهسینینگ استادی نصیراحمد فرهمندنینگ ایتیشیچه، ایران برابریدهگی تحریم بیکار ایتیلیشی افغانستانلیک تجارلرگه ایریم قُولیلیک یرهتگنلیگیدن تشقری مملکت اقتصادی ترقیاتی اوچون ایجابی تاثیر بار.
