صنعت و سوداگرلیک اتاقی مسووللرینینگ ایتیشیچه، مملکت صادارت میزانینی یوقاری ایلتیش خصوصیده سعی و حرکتلرنینگ دوامی بار.
صنعت و سوداگرلیک اتاقینینگ اورین باسری خان‌جان الکوزینینگ ایتیشیچه، صادرات میزانینی یوقاری ایلتیش اوچون بیلانسنینگ حذف ایتیلیشی کیرهک.
الکوزی گه کوره، صادرات بیلانسی حذف ایتیلگن صورتده، بو بولیم فعالیتینینگ نیچه برابر کوپهیشی ممکن.
الکوزینینگ ایتیشیچه، گمرکلرده فساد بولگنی باعث، سوداگرلردن بیرقطاری کمیشن‌کار آتیگه سوداگرلیک قیلیشگه مجبور بولهدیلر.
صنعت و سوداگرلیک اتاقی رسمیلرینینگ ایتیشیچه، مملکت صادراتی اقلاملریدن کوپراغینی ایکینچیلیک محصولاتلر تشکیل بیرهدی و اوشبو وزارت تکنالوژیدن قولهنیش بیلن ایکینچیلیک محصولاتینی یوقاری ایلتیش اوچون سعی و حرکت قیلهدی.
عین‌حالده، صنعت و سوداگرلیک وزیرلیگینینگ اورین باسری اجملحمید عبدالرحیمزی نینگ ایتیشیچه، مملکت صادرات میزانینی یوقاری ایلتیش اوچون اوشبو وزارت قطار لایحهلرنی قولگه آلگن.
اونینگ ایتیشیچه، مذکور وزارتنینگ دنیا تورلی شهرلریده 16 سوداگرلیک اتشهسی بار و بو اتشهلر افغانستان خصوصی بولیمینی و باشقه مملکتلر خصوصی بولیمی بیلن باغلهش اوچون سعی و حرکت قیلهدیلر.
صنعت و سوداگرلیک اتاقی مسووللرینینگ ایتیشیچه، حاضرده افغانستان وارداتی 96 فایز و صادارتی ایسه 4 فایز دیر.
