افغانستان بوییچه سبزوات، مه‌ییز و میوه صادراتی‌نی رواجلنتیریش اداره مسؤوللری‌نینگ ایتیشیچه، زعفران قیلووچی‌لریدن بیرقطاری، چیت ایلده ایشلب چیقاریلگن زعفران‌نی افغانستان زعفرانی آتیگه صادر قیلیشی‌دن علاوه بولرنینگ بیرقطاری مخصوص قاغذنی بو اوسیملیک‌که قوشیب و دنیا بازارلریگه ترقته‌دی.
سبزوات، مه‌ییز و میوه صادراتی‌نی رواجلنتیریش اداره نینگ باشلیغی سیدعظیم مصطفی، زعفران صادر قیلووچیلر بو قاغذنی هند دن آلیب کیلتیریب و اونی رنگ‌گه بویه‌گنیدن سونگ، زعفرانگه قوشیب چیت ایلگه یوباره‌دیلر دیگن. مصطفی، سونگی وقتلرده اوشبو اداره مذکور ایش آلدینی آلیشگه بیر آز موفق بولگن دیدی.
سبزوات، مه‌ییز و میوه صادراتی‌نی رواجلنتیریش اداره باشلیغی، مملکت‌نینگ صادراتی محصولاتی اوچون (صفت) حجتی بارلیگی‌نی جوده (خاص) اهمیت گه ایگه دیگن. مصطفی، زعفران صادرقیلووچیلر، اوشبو کوکتگه صفتیگه قول اورگنلیک سبب؛ تیکشیریش و صفت حجتینی قولگه کیرتیش اوچون بو اداره گه آلیب کیلمسلیکلرین تیلگه آله‌دی.
عین حالده، ایکینچیلیک وزیرلیگی مسووللرینینگ ایتیشیچه، زعفرانگه قاغذ قوشیش خصوصیده حاضرگه قدر اوشبو وزارتگه بیرار – بیر گزارش کیلمهگن. بیراق قطار منفعتجو کیشی‌لر افغانستان زعفرانینینگ صادارتینی برهم اوریش اوچون سعی و حرکت قیلهدیلر دیدی وزیرلیک رسمیلری.
ایکینچلیک وزیرلیگینینگ سوزلاوچیسی اکبر رستمینینگ ایتیشیچه، دنیا کورگزمهلریده افغانستان زعفرانی یخشی اوریننی ایگلله‌گنی سبب، قطار تیوره‌کلر افغانستان زعفران صادارتینی برهم اوریش اوچون سعی و حرکت قیله‌دی.
اونینگ ایتیشیچه، مذکور کورگزمهلرده افغانستان زعفرانی صفت نقطه نظردن نیچه مرته بیرینچی اوریننی کسب قیلگن و افغانستان زعفرانینینگ صادارتی ییلمهییل کوپه‌ییب بارماقده.
افغانستان زعفران صادر قیلووچی مملکتلردن بیری بولیب، بو مملکت زعفرانی آسیا، بیرلشگن عرب امیرلیگی و اروپا مملکتلریگه صادر ایتیلهدی.
ایکینچیلیک وزیرلیگی مسووللرینینگ ایتیشیچه، زعفران صفتی و محصولاتینی آشیریش اوچون اوشبو وزیرلیک لازم درجه‌ده سعی و حرکت قیله‌دی.
