افغانستان، ترکمنستان، پاکستان و هندوستان دولتینینگ بلند مرتبهلی رسمیلری بوگون (دوشنبه) تاپی لایحهسی اهمیتینینگ بیرینچی کنفرانسی هراتده اوتکزیلدی. ییغینده اشتراک قیلگن ترکمنستان تشقی ایشلر وزیرلیگینینگ سیاسی اورین باسری وفا حاجیاوف، تاپی منطقهدهگی ییریک اقتصادی لایحه دیگن.
جناب حاجیاوف، مذکور طرح جاری ایتیلیشی بیلن افغانستان ییلده بیر میلیارد دالر حق العبوردن قولگه کیریتیشینی معلوم قیلگن. شونینگدیک او، مذکور پروژه نینگ 214 کیلو متری مملکتی تامانیدن باشلنگن لیگی بارهسیده خبر بیرگن. عین حالده او، بو لایحه قرشیسیده بولگن مالی همده امنیتی معماسینی رسمی عشق آباد بر طرف قیلگن دیگن.
شونینگدیک حاجیاوف افغانستان توپراغیده بو لایحه امنیتی تامین ایتلیشی دن خواطر بیلدیریب، رسمی کابل ملازملریدن بو ساحه ده جدی اعتبار قرهتیشلرینی طلب قیلگن.
مملکت تشقی ایشلر وزیرلیگینینگ اوری باسری نصیراحمد اندیشهنینگ بو ییغینده سوزلب ایتیشیچه، تاپینینگ منطقهده بدیلی یوق و پروژه منطقه مملکتلرینینگ احتیاجی اساسیده ایشلب چیقاریلگن. شونینگدیک نصیراحمد تاپی جنوبی آسیا گاز معمالرینی بر طرف قیلیشدن علاوه نابرقرالیکلر کمیشی و یوقاریدهگی مملکتلر اهالیسی اورتهسیده بیردملیک وجودگه کیلیشیگه باعث بولهدی دیگن.
مملکت تشقی ایشلر وزیرلیگینینگ اورین باسری، ترکمنستان هیاتی نینگ افغانستان توپراغیده تاپی لایحهسی امنیتی اوچون بیلدیرگن تشویشی حقیده ایتیشیچه، ملی بیرلیک حکومتی اوشبو حیاتی لایحه تطبیق ایتیلیشی اوچون قولدن کیلگن درجهده سعی وحرکت آلیب باریشی اوچون اورغولهگن.
افغانستان کانلر و پطرولیم وزیرلیگینینگ اورین باسری عبدالقدوس حمیدی، تاپی لایحهسی اقتصادی دهلیز اهمیتیگه ایگه ایکن لیگینی ایتیب، بو لایحهنینگ منفعتی دن بوتون افغانستان ولایتلری فایده لنهدی دیگن.
تاپی لایحهسی یا ترکمنستان گازینی افغانستان آرقهلی هند و پاکستانگه ییکزیش برنامهسی 2002- ییلده ایجاد بولگن ایدی. ایتیلیشیچه، اوشبو لایحه 2017- قدر فایدهلهنیش گه تاپشیریلهدی.
کانلر و پطرولیم وزیزلیگیگه کوره، 50 مینگ محنتچی ایشگه آلینیشیدن تشقری بو لایحه امنیتی تامین ایتیلیشی اوچون 8 مینگ کیشیگه ایش جایی یره تیلهدی.
