بامیان تاووقدارلیک فارملر بیرلیک مسئووللری نینگ ایتیشلریچه، بو ولایت تاووق گوشتی نی ایشلب چیقاریش بولیمیده خودکفالیککه یقیینلشگن و اهالی نینگ 80 فایزدن آرتیق احتیاجاتی تأمین ایتیلهدی.
اولرگه کوره، سونگی ایکی ییلده خصوصی بولیملر 50 میلیون دن آرتیق سرمایه یاتقیزیش بیلن مذکور ولایتده 40 کتته تاووقدارلیک فارم ایجاد قیلگن.
مذکور بیرلیک اورینباسری عوض علی حسنی نینگ ایتیشیچه، مذکور فارمده ایشلب چیقاریلهدیگن گوشت بامیان یشاوچیلری نینگ گوشت توغریسیده بولگن احیتاجاتلری نینگ کوپ بولیمی نی حل قیلهدی و اونگه علاوه باشقه قطار ولایتلرگه هم صادر ایتیلهدی.
اونگه کوره، بو ولایتده تاووقدارلیک فارملر ایجاد ایتیلیشی بیلن قطار کیشیلرگه ایش زمینهسی یرهتیلگن.
بامیان ده تاووق گوشتی نی ساتهدیگن و آلهدیگنلردن قطاری نینگ ایتیشلریچه، اوشبو ولایتده ایشلب چیقاریلگن گوشتلر وارداتی گوشتلرگه قرهگنده یخشی کیفیت و مزه گه ایگه دیر.
بامیان تاووقدارلیک فارملر بیرلیگی نینگ معلوماتی اساسیده، کونده کمیده 2 تُن گوشت بو ولایتده ایشلب چیقاریلهدی.
