کابل ترافیک ریاستی اوتگن 9 آیده، ترافیکی جنایت خصوصیده یازیلگن برگهلردن 70 میلیون افغانی توپلب، دولت خزانهسیگه توکگن.
کابل ترافیک عمومی مدیری جنرال اسداللهنینگ سلاموطندارگه ایتیشیچه، ترافیکی جنایت برگهلری عملگه آشیریلگنیدن بویان، اوشبو ریاست عایدی ییترلی شکلده کوپهیگن. جناب اسداللهگه کوره، اوشبو عایدلردن کوپینچه ی ترافیکی جنایت جریمهسیدن قولگه کیریتیلگن.
شونینگدیک، اوشبو عایدلردن بیر قسمی، پایتخت خیابانلریده بار تاشیدیگن موترلرگه تیگیشلی بولهدی.
کابل ترافیک عمومی مدیرینینگ ایتیشیچه، ترافیکی جنایت، جواز سیر زمانی کملیگی، هیداوچیلیک جوازی و شونینگدیک نقلیه واسطه بوزیلیشی، ترافیکی جنایت برگهلری کوپهییشیگه سبب بولگن.
ترافیکی جنایت برگهلریدن فایدهلنیش ریجهسی، 80- دهه اورتهلریده یولگه قوییلدی؛ بیراق خلق شبههسی اساسیده، ترافیک ریاستی ایشچیلری، اوشبو برگهلردن فایدهلنهدی و قوللابی برگهلرنی چاپ قیلیب، آییده کوپ پول قولگه کیریتهدی.
بیراق جناب اسدالله، پایتختده قوللابی برگه موجودلیگینی رد ایتیب ایتیشیچه، ترافیک ریاستی ایشچیلرینینگ، برگهلری کونده مسؤوللری تامانیدن تیکشیریلهدی.
هر بیر حالده، ترافیکی جنایت برگهلریدن ترافیک ریاستی تامانیدن قولگه کیریتیلگن عاید میزانیگه قرهگنده، اوشبو ریجه ثمرهلی بولمهگنی خصوصیده، خلق عمومی توشینچهسی اونچهلیک تأثیرچین ایمس دیر.
