.jpg)
افغانستان تجارت و صناعت اتاقی نینگ مسووللری، مملکت سوداگرلری بیر قنچه قیینچیلیک بیلن روپه رهلر دیگنلر. رسمیلر، سوداگرلر روپه ره بولیب تورگن توسیق، افغانستاننی چیت ایلگه تَور یوباریشی و تشقی مملکتلردن تَور آلیب کیلیش آقیمینی یامان وضعیتگه قویگن دیدیلر.
اوشبو ادارهنینگ مسووللری، مملکتده ایشلب چیقاریلگن محصولات نینگ دنیا بازارلریده سوداسی یوقلیگی، محصولات ایشلب چیقاریش اوچون زمانوی ایشخانهلر بولمهگنی، ییریک موزلتگیچ مرکزلری بولمهگنی، 62 تُور تاولانچیلیک، باجخانهلردهگی فساد، زمانوی بندرلر یوقلیگی و سوداگرلرگه ویزه بیریش بولیمیدهگی قیینچیلیکلر افغانستانلیک ملی سوداگرلرنینگ قرشیسیده تورگن کته معمالردن حسابلنهدی دیگنلر.
سوداگرلر، تشبثکارلر و خصوصی بولیملر نمایندهلری بیلن کابلده مطبوعات انجمنی اوتکزگن مملکت تجارت و صناعت اتاقی نینگ عامل رییسی عتیقالله نصرت، سوداگرلر یولیدن قیینچیلیکلرنی کوتاریش و عمومی یوللر همده بندرلرده بو قتلم اوچون قُولیلیک یرهتیش تجارت یخشیلهنیشی، صفتلی تَورلر آلیب کیلینیشی و ایچکی محصولاتنی چیت دولتلرگه ییتکزیش اوچون مقصدگه موافق فعالیت سنهلهدی دیگن.
.jpg)
جناب نصرت، حاضرگی کونده افغانستان چیت دولتلردن 95% تَور مملکتگه آلیب کیلهدی دیگن. حال بوکه مملکتدن ایسه 5% تشقی دولتلرگه تَور یوباریلهدی دیدی جناب نصرت. سودا بلانسی موازنتی اوچون ییچیم یول بولمهگن حالده، مملکت اقتصادی اوسیشی امکاندن اوزاق دیگن تجارت اتاقی رهبری.
ییغینده گپیرگن مرکزی احصائیه ادارهسی اورین باسری حسیبالله موحد، ناقانونی پول آلیش همده سوداگرلر قرشیسیدهگی توسیقلر افغانستانده کییم – کیچک و ییگولیک آزیق آوقت نرخی کوتاریلیشیگه باعث بولگن دیدی.
اوشبو ییغینده قتنشگن سوداگرلر، سرمایه یاتقیزوچیلر و تشبثکارلر تجارت یخشیلهنیشی بولرگه زمانوی خذمتلر یرهتیش اوچون دولتدن سوداگرلر ادارهسی ولایتی ایتلاف تشبثکارلری آرقهلی نظرده توتیلگن تکلیفگه اعتبار قرهتیشنی سورهگنلر.
