قندهار سیلوسی‌نینگ ایش‌خانه‌سی‌نی باشلیغی قطب‌الدین رفیق‌نینگ سلام‌وطندارگه ایتیشیچه، اوتمیش‌لرده مذکور ولایت‌نینگ سیلوسی 24 ساعت جریانیده 120 تُن بوغدای‌نی اون قیلردی؛ لیکن 36 ییل‌دن بویان فعالیت قیلمه‌یدی.
قندهار سیلوسی‌نینگ ایش‌خانه‌سی‌نی باشلیغی گه کوره، خلق ارا بانکی 2 ییل ایلگری مذکور ایش‌خانه‌نی تیکشیریب چیققن ایکن؛ بیراق عملی ایشی حاضرگچه باشلنمه‌گن.
رفیق‌نینگ ایتیشیچه، ایچکی اوروشلردن آلدین 300 کیشی اوشبو ایشخانهگه شغل لنگن ایدی؛ بیراق اوروش دوریده بو ایشخانه بوتون وسایللری غارت ایتیلدی.
قندهار اقتصاد باشلیغی گلمحمد اریننینگ ایتیشیچه، مذکور ولایت سیلوسی‌نینگ فعال ایتیلیشی یشاوچیلر اقتصادینینگ اوستیگه مثبت تاثیر قویهدی.
اونینگ ایتیشیچه، مذکور ایشخانه فعال ایتیلگن صورتده قندهار قطار یاشلریگه ایش زمینهسی یرهتیلهدی.
قندهار یشاوچیلری هم بو ولایت سیلوسی‌نینگ فعال ایتیلیشی اوستیگه تاکید قیلیب و حکومتدن تیزلیکده اوشبو سیلونی فعال قیلیشینی سورهیدیلر.
قندهار سیلوسی 1352 ییلده 87 میلیون افغانی خرچت کورتاریش بیلن آلمانلیک مهندسلری تامانیدن اوشبو ولایت باغپل منطقهسیده توزهتیلگن.
