افغانستان حکومتی مملکت مستقللیگینی 100 ییللیگیدن نشانلش بیرهم اوچون 384 میلیون افغانیدن کوپراق پول نظرگه آلگن.
جمهور رئیس غنی تامانیدن صادر ایتیلگن 817- رقملی حکمده مالیه وزیرلیگیدن «91-» کُد دن مملکت مستقللیگی 100 ییللیگیدن نشانلش بیرهم اوچون دولت ایشلرینی باشقرووچی اداره حسابی گه 384 میلیون 221 مینگ افغانی یوباریشینی سورهگن.
جمهور رئیس نینگ 817- رقملی حکمیده کیلیشیچه، « افغانستان مستقللیگی، بیزلرنینگ ملی بویوکلیگیمیز، ایرکینلیک حکایهسی و بویوکلریمیزنینگ یوقاری توشونچهسی دیر. بوندن نشانلش ملی بویوک داستان و اونینگ ارزشلرینی ینگی نسل گه انتقال بیریش بوتون خلق مسؤولیتی دیر.»
شونینگدیک، اوشبو حکمده وزیرلیکلر و بودجهیی ایرکین ادارهلردن مملکت مستقللیگی 100 ییللیگیدن نشانلش بیرهم برنامهلر عملگه آشیریلیشی خصوصیده سهم آلیشلری سورهلگن.
افغانستان نینگ سابق پادشاهی امانالله خان، قویاش 1298- ییلده مملکت مستقللیگینی بریتانیادن آلگن و اوشه زماندن بویان هر ییل 28- اسد ده بو کون نشانلنهدی.
