بوگون «شنبه» ساغلیق خلق ارا کونیدن نشانلش مراسمده افغانستان ساغلیقنی سقلش وزیرلیگینینگ ایتیشیچه، اوشبو وزیرلیک بودجهسی کمیده 100 میلیون دالر کمهیگن.
ساغلیقنی سقلش وزیری فیروزالدین فیروزنینگ ایتیشیچه، ساغلیق خذمتلری ارایه ایتیلیشیدهگی اساسی قیینچیلیکلر مالی منبعلر چیکلاوی و دنیا یاردملری کمهیگنی دیر و بو مسئله رواجلنتیریش برنامهلر اوستیگه تأثیر قویگن.
جناب فیروزگه کوره، حاضر ساغلیق بولیمیده افغانستان یشاوچیلریدن هر بیرینینگ ییللیک خرجتی 5 دالر دیر و بو رقم رواجلنمهگن ایریم مملکتلرده 20 دالردن کوپراق بولهدی.
ساغلیقنی سقلش وزیرینینگ ایتیشیچه، مذکور وزیرلیک بودجهسی کوپهییشی اوچون حکومت گه تکلیفلر و ریجهلر ارایه قیلگن و بو وزیرلیک ایشکی مالی منبعلر جملهدن بوره و تنباکو مالیهسینی کوپهیتیریب بودجهسینی کوپهیتیریش اوچون سعی و حرکت قیلهدی.
جناب فیروزنینگ اورغولشیچه، حکومت تنباکو اوستیگه گمرک تعرفهسی چیقارگن صورتده، ییلده اوشبو بولیمدن ساغلیقنی سقلش وزیرلیگینینگ بودجهسیگه 40 میلیون دالر کوپهییشی ممکن.
اوتگن مالی ییلده ساغلیقنی سقلش وزیرلیگینینگ بودجهسی 255 میلیون دالرگه ییتیشردی.
