افغانستان ملی امنیت کینگشینینگ مصلحتچیسی محمدحنیف اتمر، بیر کون آلدین، ترکمنستانگه سفر قیلیب عشق آباد ده، مذکور مملکت بلند مرتبهلی رسمیلری بیلن اوچرهشیب افغانستان امنیتی، تینچلیگی و اقتصادی مسئلهلری اوستیده بحث قیلگن.
افغانستان ملی امنیت کینگشی سوزلاوچیسی تواب غورزنگنینگ سلاموطندارگه ایتیشیچه، ترکمنستان باشقه قوشنی مملکتلرکبی افغانستان تینچلیگی و امنیتی تأمین ایتیلیشیگه تأثیرچین رول اوینهیدی.
جناب غورزنگگه کوره، ترکمنستان رسمیلری، جمهور رییسنینگ ملی امنیت مصلحتچیسیگه، افغانستانده عصیانچیلیککه قرشی کورهشیش و پول امنیتی تأمین ایتیلیشی توغریسیده یاردم بیریشدن سوز بیرگن.
افغانستان ملی امنیت کینگشی سوزلاوچیسینینگ کوپهیتیریشیچه، اوشبو سفرده جناب اتمر تاپی گاز پروژهسی و باشقه اقتصادی لایحهلر توغریسیده صحبت قیلیب ایتیشیچه، افغانستان دولتی پروژهلر امنیتی تأمین ایتیلیشی خصوصیده، لایحه توزگن و تیزلیکده قیته تیکلش اوچون، ترکمنستان مملکتیگه تاپشیریلهدی.
عین حالده، سیاسی ایش بیلرمانلر، مملکتده امنیت تأمین ایتیلیشی و تینچلیک سوزلشوولری توغریسیده ترکمنستان رولینی ایجابی بهالهگنلر.
سیاسی ایش بیلرمان وحید مژدهنینگ ایتیشیچه، افغانستان دولتی پاکستان یانیده طالبلر بیلن یخشی علاقهده بولگن باشقه مملکتنی تاپیش خصوصیده سعی و حرکت قیلهدی.
جناب مژدهنینگ کوپهیتیریشیچه، ترکمنستان، افغانستان قوشنیلریدن بیری بولیب، افغانستاننینگ ایچکی ایشلریگه ارهلشمهیدی و کوپراق اقتصادی لایحهلر عملگه آشیریلیشی خصوصیده دقت قیلهدی.
مژدهگه کوره، تاپی گاز قوور لایحهسیگه تیگیشلی برچه مذاکرهلرده طالبلر اشتراک قیلگن و مذکور شرطنامه هم طالبلر بیلن اوتکزیلگن مصلحت اساسیده قول قوییگن.
.jpg)
شونینگدیک، او مذکور طرح نینگ لایحهسی سابق طالبلر بیلن ترکمنستان اورتهسیده کیلیشیلگن لیگینی بیلدیرگن. ترکمنستان سابق جمهور رییسی ترکمن باشی، طالبلر افغانستانده حاکیمت تیپهسیده بولگنده اوشبو لایحه بو مملکت آرقهلی اوتکزیلیشینی بیلدیرگن.
سیاسی تحلیلچیلردن باشقه بیری یونس فکورگه کوره، پاکستان طالبلرنی افغانستان حکومتی بیلن تینچلیک مذاکرهسیگه حاضرقیلمهگن حالده، بو مملکت اورنیگه ترکمنستان مناسب تنتلاو دیب، مذاکره رسمی عشق آباد ده اوتکزیلیشی معقول دیگن.
افغانستان حکومتی بیلن قوراللی طالبلر اورتهسیده مارچ آیی نینگ بیرینچی هفتهسیده تینچ لیک مذاکرهسی یوزمه – یوز اوتکزیلیشی کوتیلهدی.
