بوگون (چهارشنبه) قیشلاق خاتین – قیزلری نینگ ایکینچی کورگزمهسی آچیلدی. کورگزمه افغانستان جمهور رییسی محمد اشرف غنی اشتراکیده کابل نینگ بادام باغیده آچیلدی. بو کورگزمه اوچ کون آچیق بولهدی.
232شهابچه دن 58ته سی ایکینچی عیاللرگه اختصاصلشتیریلگن مذکور کوزگرمه ده قیشلاق خاتینلری ایکینچیلیک محصولاتلرینی کورستوگه قویگنلر.
قیشلاق خاتین – قیزلری نینگ ایکینچی کورگزمهسی آچیلیشی مناسبتی بیلن نطق سوزله گن جمهور رییس غنی، قیشلاق خاتینلری مملکت اقتصادی اوچون اساسی روللری بار دیگن. اولرنینگ بوگون کوترهجک کیچیک آدیملری کیله جکده مملکت اوچون اینگ کته موفقیتلرگه باعث بولهدی.
جمهور رییسغنی، افغانستانده ایشلب چیقاریله دیگن محصولات اونچهلیک صفتلی بولمسه – ده، لیکن یخشی بازار بولمهگنلیگی همده خلق ارا مارکیتلرگه یول تاپمهگنی اوچون اونچهلیک رواجلنمهگن دیگن.
مملکت رهبری نینگ سوزلریگه کوره، مملکت نینگ 15% خلقی آچیلیک بیلن کورهشهدی. شونینگدیک 60% خلق نینگ آزیق آوقت مصونیتی یوق دیدی جمهور رییس غنی.
افغانستانلیک عیاللر اوچون سونگی ییللرده میلیاردلب دالر صرفله نیشیگه قرهمی، فقط افغانستان حکومتی هر بیر قیشلاق نینگ خاتین – قیزی اوچون 3مینگ دن 6 مینگچه سرمایه یاتقیزگن دیگن. لیکن، جمهور رییس غنی قیشلاق خاتین – قیزلری افغانستان بولیب رواجلنیتریش توغریسیده وعده بیرگن.
افغانستان ایکینچیلیک و چاروادارلیک وزیری اسدالله ضمیر کورگزمهگه صحبت قیلیب، غور، دایکندی، خوست، قندهار، پکتیکا، غزنی، قندهار و غزنی ولایتلریده ترقیات برنامه لرنی وراجلنتیریشی اوستیده تاکید ایتگن.
