افغانستان پترولیم و کانلر وزیری داوودشاه صبانینگ ایتیشیچه، تاپی لایحهسی امنیتی تامین ایتیلیشی و مذکور پروژه یولیدهگی ماینلرنی تازهلش برنامهسی تیزلیکده باشلنهدی.
جناب صبا بوگون (یکشنبه) مذکور لایحه بارهسیده افغانستانلیک سناتورلرگه معلومات بیردی. اونگه کوره، اوشبو ییریک اقتصادی لایحهنینگ مدیریت ایشلری تیزلیکده باشلنهدی. بو لایحه کیلگوسی ییل اپریل آییگه قدر دوام ایتیشی ایتیلهدی. شونینگدیک افغانستاندن اوته دیگن گاز قوورینینگ یولی ماینلردن تازهلنهدی.
صباگه کوره، تاپی لایحهسینینگ یولی هوادن تیکشیریلگن و کیلگوسی ییلده ایسه ییردن هم تیکشیریلهدی.
مذکور گاز قوورینینگ ایش لایحهسی 2018- ییل پایانیگه قدر اوز نهایهسیگه ییتیب، فایدهلهنیشگه تاپشیریلیشی کوتیلهدی.
حساباتلرگه قرهگنده، بو لایحه اون میلیارد دالر خرجت کوتارهدی. اوشبو مبلغ آسیا ترقیات بانکی، خلق ارا شرکتلر، ترکمنستان، افغانستان، پاکستان و هند دولتلری تامانیدن تولهنیلهدی.
تاپی لایحهسی و ترکمنستاننینگ گازی افغانستان آرقهلی هند و پاکستانگه ییتکزیش برنامهسی 2002- ییلده ایجاد ایتیلیب، 2017- ییلگه قدر عملگه آشیریلیشی قرار قبول قیلینگن.
افغانستان پترولیم و کانلر وزیرلیگی، بو لایحه باشلهنیشی بیلن 50 مینگ ایش فرصتی یرهتیلیشیدن علاوه، افغانستان هر ییلی 500 میلیون دالر قولگه کیریتهدی دیگن.
مذکور ییریک گاز قوورینینگ 735 کیلو متری افغانستاننینگ هرات و قندهار ولایتلری آرقهلی پاکستانگه ییکزیلهدی.
تاپی ایشی باشلهنیشی بیلن بیرینچی اون ییلده افغانستان 0.5 میلیارد متر مکعب گاز، ایکینچی اون ییلده 1 میلیارد متر مکعب گاز و اوچینچی اون ییلده 1.5 میلیارد متر مکعب ساتیب آلهدی و بو ایسه افغانستان اقصادی رواجلهنیشی اوچون ییریک اهمیتگه ایگه.
