بوگون «دوشنبه» نمایندهلر کینگشی ینه بیر بار مخابرات و معلومات وزیری شهزادگل آریوبینینگ تلیفون کارتلریدن 10% سالیق توپلش قندهیلیگی، توپلنگن پول مقداری و شونینگدیک، بو پوللر قندهی بیر شکلده صرف ایتیلیشی توغریسیده معلومات بیریش اوچون کینگشگه چقیردی.
نمایندهلر کینگشی اعضالریدن بیرقطاری، تلیفون کارتلریدن 10% سالیق توپلشده فساد موجودلیگیدن خواطر بیلدیریب ایتیشیچه، اوشبو پوللر تیکشیریلیشی سیستم سیستم ایجاد ایتیلگونگهقدر سالیق توپلش جریانی توختهتیلیب و سیستم تیزلیکده فعال بولیشی کیرهک.
شو توغریده نمایندهلر کینگشی اعضالریدن ایکی کیشی ذکیه سنگین و صالحمحمد سلجوقینینگ ایتیشیچه، اولرنینگ تدقیقاتی و قولگه کیریتگن معلوماتلری اساسیده، تلیفون کارتلردن آلینهدیگن 10% سالیقدن 8% شخصی حساب گه کیتهدی و اوچ کیشی تامانیدن باشقریلهدی و قالگن 2% دولت حسابی گه توشهدی.
عین حالده، نمایندهلر کینگشی اعضالرینینگ خواطری گه جواب مملکت مخابرات و معلومات وزیری شهزادگل آریوبینینگ ایتیشیچه، حاضرگهقدر توپلنگن پوللرنی نظارت قیلهدیگن مشخص سیستم توزهلمهگن و سالیق توپلهیدیگن حاضرگی طریقه قانیقرلی ایمس دیر. بیراق، اولر الکترونیکی بلینگ سیستم قوریش اوچون سعی و حرکت قیلهدیلر. جناب آریوبی گه کوره، الکترونیکی بلینگ سیستم قوریلیب و فعال بولگنیدن سونگ، درامد میزانی آشهدی و شفافیت وجودگه کیلهدی.
تلیفون کارتلریدن 10% سالیق توپلش توغریسیده، جمهور رئیس غنی تامانیدن صادر ایتیلگن فرمان، اهالینینگ عکسالعمللریگه سبب بولگنیدن سونگ، نیچه وقت آلدین، نمایندهلر کینگشی تامانیدن لغو ایتیلدی و نمایندهلر کینگشی اعضالرینینگ ایتیشیچه، پوللرنی نظارت قیلهدیگن مشخص بیر سیستم قوریلگونگهقدر بو جریان توختهتیلیشی کیرهک.
سنامجلی ایرکین مرته اوشبو فرماننی تصدیقلهدی، لیکن مذکور فرمان رد یا-ده تصدیقلنیشی اوچون ملی کینگشنینگ قوشمه هیأتینینگ تقدیریدن هیچ بیر خبر یوق دیر.
