ساووق موسوم ییتیب کیلیشی بیلن باشکینت ده لیلام ساتووچی‌لرنینگ بازاری قیزیققن. بو بازارده اوی لوازمی‌دن باشلب کییم‌گچه ایکینچی قول نرسه‌لری تاپیله‌دی.
لیلام ساتووچی بازاری‌نینگ کوچه‌لری تار و یینیچکه بولگنی باعث، اولردن اوتیش قیین بوله‌دی. بیر تاماندن جمعیت کوپلیگی و باشقه بیر تاماندن دکاندارلرنینگ اوستونمه اوستون نرسه‌لری توپلنگنی باعث، انسان‌نینگ نفسی توتیله‌دی.
بوش بازاری اصطلاحی شکلده ایتگن‌ده تاووق سوتیدن باشلب انسان جانی تاپیلهدیگن بازارلردن بیری دیر. بو بازارنینگ اداغیده بهاسی قویی؛ لیکن شیک لیلامیگه قول تاپیب بوله‌دی.
بوش بازاریده لیلام ساتووچی‌لرنینگ نمایندهسی قاسم برحقنینگ ایتیشیچه، مذکور بازارده کمیده 500 دکان ایکینچی قول وسایللرینی عرضه قیلهدی و هرکونده ایرم طبقهلردن یوزلرچه کیشی اوشبو بازارگه کیلهدی.
اونینگ ایتیشیچه، اهالی شیک وسایللرنی کم بها گه قولگه کیلتیریش اوچون لیلام ساتووچیلر بازاریگه مراجعت قیلهدی.
بوش بازاریگه بهالر مناسب دیر؛ بیراق قطار لیلامی اجناسلرنینگ بهاسی کوپ یوقاری دیر.
اوشبو بازار مشتریلریدن بیری سرورنینگ ایتیشیچه، لیلامی لباسلردن قطارینینگ یوقاری کیفیتی بولگنی باعث، هردایم لیلام ساتووچیلر بازاریگه مراجعت قیلهدی.
اونینگ ایتیشیچه، لیلامی کییملر بها لحاظدن قویی و کیفیت لحاظ دن کوپ یوقاری دیر.
باشکینت ده بولگن لیلامی بازارلردن باشقه بیری سینما پامیرده جایلشتیریلگن. کونده یوزلرچه کیشی اوشبو بازارگه مراجعت قیلهدی وکم پول بیلن کوپ کییمنی قولگه کیلتیرهدی.
بو بازار لیلامی ساتووچیلریدن بیری عباس دیر. اونینگ ایتیشیچه، کوپ قطار ساتهدیگن کییملری کوریا دن وارد ایتیلهدی.
بیبیگل فرزندلری بیلن قیش موسومیده کییم آلیش اوچون سینما پامیر بازاریده کیلگن.
کم بغل‌لیک سبب بیبیگل هردایم لیلامی بازاریده باش اورهدی. اونینگ ایتیشیچه، تورمش اورتاغینینگ کم درآمدی بیلن فرزندلرینینگ نیازی بولگن وسایللرینی کته مارکیتلردن قولگه کیلتیره آلمهیدی.
چنداول، سینما پامیر، بوش بازاری، دهن باغ و کوتهسنگی لیلام ساتووچی بازارلریده هرقندی کییم قولگه کیلتیریش ممکن.
