.jpg)
بغلان ولایتی نینگ پولیس قومندانلیگینی یوز مترلیگیده بولگن حیوانلر ساتیلهدیگن بازار ییرلری زوروانلر تامانیدن غصب قیلینگن.
اوشبو ییرلرنی اوستی گه بغلان مرکزی پلخمری شهری نینگ شهردارلیگی و نساجی ریاستی نینگ دعواسی بار، بیراق زوروانلردن بیرقطاری، بو ییرلرنی غصب قیلیشگن.
سلاموطندارگه صحبت بیرگن پلخمری شهری نینگ نساجی بولیمی باشلیغی حاجی قادرنینگ ایتیشیچه، بو ییرلر نساجی ادارهسی گه تیگیشلی بولگن و زوروانلر تامانیدن غصب قیلینمهسی اوچون نیچه مرته مذکور ولایت نینگ پولیس قومندانلیگی و ملی خوفسیزلیک ریاستی گه رسمی مکتوب یوبارگن.
اونگه کوره، مسؤول ادارهلر حاضرگهقدر بو ییرلر غصب قیلینیشی گه توسیق بولیشمهگن. بیراق، پلخمری شهری نینگ شهرداری نظامالدین حمیدی نینگ ایتیشیچه، بو ییرلر شهردارلیککه تیگیشلی بولگن و نساجی ریاستی بیلن اونی اوستی گه دعواسی بار.
جناب حمیدی نینگ کوپهیتیریشیچه، حاضرگهقدر کیمسه گه بو ییرلرنی اوستی گه بنا قوریش گه رخصت بیریلمهگن.
.jpg)
عین دمده، بغلان ولایت مقامی سوزلاوچیسی نذیر نظم نینگ ایتیشیچه، اولر کیمسه گه دولتی و نساجی ریاستی نینگ ییرلرینی غصب قیلیش گه رخصت بیرمهیدی.
شوندهی بیرحالده، مذکور اوچ اداره نینگ ایتیشلریچه، بو ییرلر دولت گه تیگیشلی بولهدی، بیراق کورینیشیچه، بو منطقه ده بیر اوی زوروانلر تامانیدن قوریلگن و باشقه کیشیلر هم اونینگ اطرافیده اوی قوریش اوچون سعی و حرکت قیلماقدهلر.
حال بوکه جمهور رئیس غنی دولتی ییرلر غصب قیلینمهسی توغریسیده بویروغ بیرگن، بیراق بو بویروغ حاضرگهقدر بغلانده قاغذ یوزیده قالگن.
شونینگدیک، بغلان ولایتیده دولتی ییرلر غصب قیلینمهسی توغریسیده ولایت مقامی تامانیدن بیر کمیته ایجاد ایتیلگن، بیراق اوشبو کمیته حاضرگهقدر بو خصوصده هیچ بیر ایش قیلمهگن.
