بوگون «شنبه» کابلده افغانستان فواید عامه وزیرلیگی و پیمانکار خصوصی شرکتلرینینگ آرهسیده 1.7 میلیارد افغانیلیک 6 رواجلنتیریش پروژه شرطنامهسیگه قول قوییلدی. اوشبو پروژهلر 47 کیلومتر جاده و ایکی کوپریک جغل توکیلیشی و قیر قیلینیشیدن عبارت بولگن و کوپریکلردن بیری 72 متر و باشقه بیری ایسه 12 متر بولهدی.
کابلده اوتکزیلگن خبری ییغینده فواید عامه وزیری یما یارینینگ ایتیشیچه، مذکور پروژهلرگه بهسود-ننگرهار جادهسی، بهسود کوپریکی، ارزگان دهراود کوپریکی، خالد بن ولید دورهیی جادهسی کنترول قیلینیشی، میمنه-بلچراغ جادهسینینگ بیرینچی بولیمینی قیته قوریش، میمنه-بلچراغ جادهسینینگ ایکینچی بولیمینی قیته قوریش و بدخشاننینگ نخجیر کوپریکی قوریلیشی شامل بولهدی.
جناب یاری گه کوره، اوشبو جادهلر و کوپریکلرنی قوریلیش ایشی 6 آیدن 24 آیگچه دوام تارتیشی ممکن.
شو توغریده…
45 پروژه شرطنامهسی امضاءلندی؛ 85 مینگ کیشی فایدهلنهدی
فواید عامه وزیرلیگی و خصوصی شرکتلرنی آرهسیده 3 شرطنامه امضاءلندی
وطنداشلیک شرطنامهسی؛ 6 مینگدن آرتیق پروژه عملگه آشیریلگن
9.5 میلیون دالرلیک 26 پروژه شرطنامهسی امضاءلندی
فواید عامه وزیرینینگ ایتیشیچه، بو پروژهلردن کوپینچهسینینگ خرجتی افغانستان بودجهسیدن و باشقه بیرقطارلرینی خرجتی خلق ارا بانکی و هندوستان مملکتی تامانیدن توللنهدی.
اونینگ کوپهیتیریشیچه، اوشبو جادهلر و کوپریکلر قوریلگن صورتده، ایش اوچون فرصت یرهتیلهدی، ایکینچیک و سوداگرلیکلر یخشی بولهدی، اهالی اوچون قولیلیکلر یرهتیلهدی و اهالینینگ محصولاتی ایستهگن ییرلریگه تیزلیککه ییتیشتیریلهدی.
