افغانستان صناعت و سوداگرلیک اتاقی رسمیلری نینگ ایتیشیچه، کابلده دنیا سوداگرلیک اتاقی نمایندهلیگی آچیلیشی بیلن باشقه مملکتلرنینگ خصوصی بولیم یاردملیگیگه آرتیریلهدی. رسمیلرگه کوره، مذکور اتاق ایشی باشلهنیشی بیلن افغانستان تجارلری باشقه ممکتلری بیلن یخشی علاقه قورالهدی.
افغانستان صناعت و تجارت اتاقی نینگ دنیا بوییچه علاقهلر باشلیغی آذرخش حافظی نینگ ایتیشیچه، دنیا تجارت اتاقی خصوصی بولیمنی کوچلنتیریش نیتیده فعالیت قیلهدی و بوندن بویان مملکت تجارت اتاقی منطقه و دنیا سرمایهلرینی جذب قیلیش، ایش زمینهسینی یرهتیش و ایچکی تولیدلرگه تلاش قیلینهدی.
جناب حافظی حکومتدن انتقاد قیلیب ایتیشیچه، اوشندهیکه افغانستاننی دنیا 51 مملکتیگه سوداگرلیک مجتمعسی بار، بیراق بو مجتمعلر بیلن حکومتنی هیچ قندهی بیر علاقهسی یوق. اونینگ کوپهیتیریشیچه، مذکور اتاق ایشگه باشلهشی بیلن افغانستان دنیا تجاری مجتمعلریگه قوشیلهدی.
اوشبو اولتیریشده دنیا سوداگرلیک اتاقی فعالیت قیلیش حجتینی اجراییه باشلیغی عبدالله عبدالله افغانستاندهگی مذکور اتاق باشلیغیگه رسمی شکلیده تاپشیردی و مذکور اتاق رسمی شکلیده فعالیتینی باشلهدی.
دنیا تجاری اتاقت یا «ICC» نینگ 130 مملکتده 6.5 میلیون عضوی بار و 90 مملکتده فعال نمایندهلیگی موجود، دنیانینگ بویوک شرکتلری، کیچیک و اورتهلی سوداگرلیک نهادلری، تجاری اویوشمهلر، ساحهیی سوداگرلیک اتاقلری دنیا سوداگرلیک اتاقیگه عضو ایتیلیب فعالیت قیلهدی.
صناعت و تجارت اتاقی رسمیلری نینگ ایتیشیچه، بودن 82 ییل آلدین افغانستان دنیا تجاری اتاقی عضویتینی آلگن ایدی، بیراق حاضرگه قدر مذکور اتاق نمایندهلیگی مملکتده فعال ایمس ایدی.
