قویاش 1395-ییل ملی بودجهسی بوگون (دوشنبه) ملی مجلس تامانیدن تصدیقلندی.
ملی مجلسنینگ اقتصادی همده مالی کمیسیون باشلیغی امیرخان یار، 10 میلیارد افغانی عادی بودجه و بیر میلیارد افغانی ایسه ترقیات بودجهگه کوپیتیریلیشی بیلن 1395- ییل ملی بودجهسی تصدیقلندی دیگن.
جناب یارگه کوره، جاری ییل ملی بودجهسی 444.6 میلیارد افغانی جملهدن 276.1 میلیادی عادی بودجه و 168.5 میلیاردی ایسه ترقیات بودجه دیر.
شونینگدیک یار، مذکور بودیجه لایحهسی اساسیده هر بیر ولایت اوچون بیر میلیارد افغانی اختصاصلشتیریلگن.
افغانستان مالیه وزیری اکلیل حکمی فیس بوک صحیفهسیگه یازیشیچه، 1395- ییل ملی بودجهسی حاضرگی چیکلاولرگه قرهگنده؛ ملی طرح، اداری توزیش، درآمد و مصرف تناسبی، یاردم کورسهتوچیلر دولتلر وعدهسی، جاری ییل تکمیل ایتیلمهگن لایحهلر و باشقه لایحهلر نظرده توتیلیش بیلن ترتیب ایتیلگن.
مذکور بودجه بوندن آلدین ملی مجلس تامانیدن رد ایتیلگن ایدی. شونینگدیک ملی مجلس اعضالر اوشبو بودجه هر تامانلمه ایمسلیگینی ایتگن ایدیلر. عین حالده، ملی مجلس اعضالری بودجهنی برچه مسالهلر اوچون ییترلی ایمس دیگنلر.
