بدخشان ولایتی کینگش اعضاسی محبوب رحمان طلعتنینگ ایتیشیچه، اوشبو ولایتده رواجلنتیریش پروژه لر بیردیک تطبیق ایتیلمه گنی باعث، اوزاق تومن لرنینگ اهالیسی دولتی خذمت لردن محروم قالگن.
طلعتنینگ کوپهیتیریشیچه، رواجلنتیریش پروژهلردن کوپینچهسی مرکزگه یقین تومنلرده تطبیق ایتیلهدی. اونگه کوره، 7 ییل جریانیده بدخشاننینگ اوزاق تومنلریده بیر پروژه هم تطبیق ایتیلمهگن.
شونینگدیک، بدخشان مدنی فعاللریدن بیری سیدعمر باهر، اوشبو ولایتده رواجلنتیریش پروژهلر بیردیک تطبیق ایتیلمهگنیدن تنقید قیلهدی. اونینگ ایتیشیچه، رواجلنتیریش پروژهلر بیردیک تطبیق ایتیلیشینی زورهوانلر قیینچیلیککه روپهره قیلگن.
اونگه کوره، رواجلنتیریش پروژهلردن کوپینچهسی وزیری و نمایندهسی بولگن تومنلرده تطبیق ایتیلهدی.
بیراق، بدخشان اقتصاد ریاستی مسؤوللرینینگ ایتیشیچه، اقتصاد وزیرلیگی تامانیدن یوباریلگن ینگی رواجلنتیریش ریجه اساسیده، رواجلنتیریش پروژهلر بیردیک تطبیق ایتیلمهگن قیینچیلیگی حل بولهدی.
اولرگه کوره، اوشبو ریجه اساسیده، اهالی قیینچیلیکلرینی درجه بندلیک قیلیش و نیازمندلیکلرنی بیللی قیلیش صلاحیتی تومنلر و محلهلرنی مسؤولریگه تاپشیریلهدی.
