سرمایه یاتقیزیشدن حمایت قیلهدیگن اداره (آیسا) نینگ مسؤوللریگه کوره، شو ییل سونگی آلتی آی مابینده سرمایه یاتقیزیش و جوازلر ثبت ایتیش لایحهسی اوتمیش ییللرگه قرهگنده 30 فایز آزهیگن.
اوتگن کون آیسا ادارهسی باشلیغی قربان حقجونینگ بیر اولتیریشده ایتیشیچه، بو سرمایه یاتقیزیش کانلر، صنایع و ساختمان توزهتیش بولیملریده بولگن ایکن.
اونگه کوره، ساختمانی، ترانزیتی، صنایع و ایکینچیلیک بولیملریده سرمایه یاتقیزیش سینیقگن.
جناب حقجونینگ کوپهیتیریشیچه، ملی بیرلیک حکومت ایجاد ایتیلیشی بیلن بیرگه و ناتینچلیکلر کوپهیشی، اولکه سرمایه سیدن کوزگه کورینرلی بولیمی تشقی اولکهلرده آلیب چیقیلدی و حکومت هم اوز وعدهلریگه عمل قیلیش و سرمایه یاتقیزهدیگنلر بارهسیده بیر ایش قیله آلمهگن.
بوندن آلدین هم صنعتی ایش خانهلر و سرمایه یاتقیزهدیگنلر حکومت نینگ بولرگه توجه قیلمه گنلیگی بارهسیده خواطر بیلدیرگن ایدیلر.
آیسا ادارهسی نینگ باشلیغیگه کوره، اوتمیش 14 ییلده ایش خانهلرده توجه بولمه گنلیگی باعث تولید میزانی سینیقگن و قیسی اوزگریش کیلمهگن.
جناب حقجوگه کوره، توجه سیزلیکلر دلیل ایش سیزلیکلرکوپهیب بارماقده و ییگیتلرنی اولکهدن قاچیشلریگه سبب بولگن. او اقتصادی بولیمده ییریک نقصان اولکهدن یاش استعدادلرنی قاچیشی دیب بیلهدی.
ایش خانهلرنینگ سقوط قیلیشی و اقتصادی لایحهلردن یمان ایش آلینیشی
شونینگدیک افغانستان صنایع اتحادیهسی نینگ اورین باسری عبدالرحیم فیضان نینگ ایتیشیچه، اقتصادی لایحهلردن یمان ایش آلیش بازار و حکومت یاردملیکلرینی قولدن بیریشلری سبب، سیکین – سیکین ایش خانهلرو صنعتچیلرنینگ سینیقیش بیلن روپهره قیلدی.
اونگه کوره، اولکهده کالا بهاسی قوییده ساتیش سیاستی(دمپنگ) سبب اولکه اقتصادی کیینگه قالیب کیتگن.
جناب فیضان صنعتی انستیتوتلر بولمه گنلیگی، گمرکلر تکسی یوقاری بولگنلیگی صنعتچیلرگه مناسب ییرلر بولمهگنلیگی اولکه صنعتچیلریگه کتته قیینچیلیک توغدیرگن دیب بیلهدی.
او اولکه صنعت کارلرینینگ اوستیریش اوچون بولرگه وام و ییر بیریلیشینی ایستهیدی.
انه شوحالده، سرمایه یاتقیزیشدن حمایت قیلهدیگن اداره مسؤوللرینینگ ایتیشیچه، کیلهسی آلتی آیگه قدر، سرمایه یاتقیزیش بولیمیده ملی لایحه توزهتیشلری بیلن سرمایه یاتقیزیش قیینچیلیکلرینی حل ایتسینلر.
