تاش کومیر سوداگرلری بیرلشمهسی مسووللرینینگ ایتیشیچه، بو بیرلشمه ایجاد ایتیلیشیدن مقصد گمرکلرده بولگن فسادلرنی نابود قیلیش، کانلرنی ناقانونی شکلده ایشلب چیقاریلیشی و اولرنی قاچاق ایتیلیشیگه توسیق بولیش دیر.
صنعت و سوداگرلیک اتاقی سوزلاوچیسی جان آقا نوید نینگ تاش کومیر سوداگرلری بیرلشمهسی نینگ ایجاد ایتیلیشی اوچون یولگه قوییلگن مراسمده ایتیشیچه، مذکور بیرلشمهنی کانلرنی ایشلب چیقاریلیشی خصوصیده ضایعاتی بولمهگن بیر ریجه اوستیگه ایشلشی کیرهک.
بو مراسمده تاش کومیر سوداگرلریدن بیرقطاری، کانلرنینگ دولتگه قرشی قوراللی گروهلر و زورهوانلر تامانیدن ایشلب چیقاریلیشی خصوصیده، حکومت دقت سیزلیگیدن تنقید قیلگنلر.
تاش کومیر قیش موسومیده آغاچ و آغاچ کومیریدن سونگ افغانستان یشاوچیلری تامانیدن کوپ مصرف ایتیلهدیگن اوچینچی ماده دیر.
بغلان، سمنگان، بامیان، سرپل و باشقه بیرقطار ولایتلرده تاش کومیر کانلری موجود دیر.
اوشبو ماده نینگ یوقاری کیفیتی بار، بیراق ایشلب چیقاریلیشی خطرلی دیر. هر ییلده مذکور کانلرنینگ ایشلاوچیلریدن بیرقطاری مسلکی بولمهگنی سبب، جانلرینی قولدن بیرهدیلر.
