هند باش وزیری نرندا مودی، چابهار بندری آچیلیشی منطقه تاریخی اوون اولکن اوزگریش زمینه سی بوله دی دیگن.
او، بوگون (دشنبه) ایران پایتختی تهران ده چابهار تجاری بیتیمی گه قول قوییش پیت ده سوزگه چیقیب، بو تجاری بندر افغانستان ایران و هند اورته سیده گی آلیش – بیرش دن هم کوره، جنوبی اسیا بیلن اروپا اتفاقی بیلن اقتصادی همکارلیک لر یخشی له نیشی گه سبب بوله دی دیدی
. مودی، اوچ مملکت اورته سیده تجاری علاقه لرنی یخشی لشتیریش دن نیت، هیچ بیر مملکت نی چیتگه چیقاریش ایمس، بلکه ترورچی لر تهدیدیگه روپه ره بولگن آسیا اقتصادینی اوسدیریش بولگن لیگینی بیلدیرگن.
ییغین ده اشترک قیلگن افغانستان جمهور رییسی محمد اشرف غنی، آسیا حاضرگی وقت ده اقتصادی بیر قطعه گه اوزگریش تورگن دیگن.
پاکستان نی تیلگه المه گن جمهور رییس، بیر قنچه دولت لر تجارت اورنیده تیرورچی لرنی یوباره دی دیدی. غنی، ایران و هند نی همکارلیک لر امیدی رویاب گه چیقیشی اوچون یاردم بیره دیگن دولت لر دیب ایسله گن.
شونینگ دیک روسیه نی ایسه له گن جمهور رییس غنی، بو مملکت هم افغانستان، ایران و هند اساسی بیر اقتصادی شریک بولیشی نی تیلگه آلگن.
ایران جمهور رییسی محمد حسن روحانی، مملکتی هندنی افغانستان آرقه لی اروپاگه باغلیش اوچون ایشانچی لی بیر دولت دیگن.
شونینگ دیک روحانی اوچ مملکت اورته سیده امضالنگن بو شرطنامه هیچ بیر دولت زیانیگه ایمس لیگینی ایتگن.
عین حالده، ایران جمهور رییس ی اوچ دولت اراسیده امضالنگن بو بیتیم افغانستان، ایران و هند اوچون سیاسی تامانی هم یوق ایمس دیدی.
ایران نینگ بلوچستان و سیستان ولایت لریده جایلشگن چابهار بندی افغانستان و هند اوچون اقتصادی نقطه نظردن اولکن اهمیت گه ایگه لیگی تاکیدلنه دی.
افغانستان بو بندرگه تاقیلیشی پاکستان نینگ کراچی بندریگه بولگن احتیاج نی کمیتیره دی. شونینگ دیک بو یول بیلن هند هم آسیاسی دولت لر بیلن اقتصادی علاقه سینی یخشی لشتیره دی.
ایتیلیشیچه، چابهار بندی ایشگه توشیریلیشی بیلن هندنینگ تَورلر کوپراق افغانستان گه آلیب کیلینه دی.
