افغانستانده ملی بیرلیک حکومتی ایجاد ایتیلگندن سونگ در آمدلردن مالیه آلیش 2 فایز دن 4 فایزگه آشیریلگن. مملکت ملی صناعتچیلر مالیه ایکی برابرگه آشیریلگنی اوچون تیگیشلی ادارهلر مسووللرینی تفاوت سیزلیککه عیبله گنلر.
اوتگن کون (پنجشنبه) صناعتچیلر بیرلشمهسینینگ باشلیغی سخی احمد پیمان کابلده اوتکزیلگن بیر خبری ییغینده مملکت مالیه وزیرلیگی اوتگن اون ییل دوامیده هم صناعتچیلر مالیه مسلهسینی حل قیلیشگه موفق بولمهگن لیگینی بیلدیرگن.
جناب پیمانگه کوره، افغانستان ملی مجلسینینگ اقتصاد کمیسیونی هم مالیه وزیرلیگینینگ سالیق 2 فایزدن 4 فایزگه کوپیتیریلیشی اوچون مخالفت بیلدیریشیگه قرهمی، لیکن بو لایحه عملگه آشیریلهدی.
ییغینده سوزگه چیققن صناعتچیلر معین بیر اقتصادی برنامه بولمهگنلیگی مملکت بویلب صناعت رواجلنمسلیگی اوچون ییریک توسیق دیگنلر.
اما، رسمیلر سالیق آشیریلیشی ایچکی درآمدلر کوچلهنیشی اوچون بیر احتیاج دیگنلر. مالیه وزیرلیگینینگ سوزلاوچیسی اجمل حمیدی عبدالرحمیمزی یوقاریده ایسله تیلگن موضوع نی تیلگه آلگنلیکدن تشقری «درآمد گه کوره سالیق» آلینیشی اوچون ینگی لایحه ایشلب چیقاریلیشیدن خبر بیرگن. مذکور طرح اساسیده ملی صناعتچیلر بیر فایزدن کوپراق سالیق دولتگه تولشگه مجبور لر.
صناعتچیلر سوزلریگه قرهگنده حاضر مملکت بویلب 2200 کارخانه فعالیت قیلهدی و بولردن فقط 19 تهسی اوز ایاغیگه توریشگه موفق بولگن.
