مملکت جمهور رئیسی محمداشرف غنی، بوگون ایرته‌لب قندهارگه ییتیب باردی و او ییرده 39 میلیون دالر خرجت کوترگن 30 میگاواتلیک قویاش برق پروژه‌سینی آچیش یانیده، 40 میلیون دالر خرجت کوترگن 16 کیلومترلیک بیر جاده‌نی آچیب و اونی مذکور ولایت نینگ سابق خوفسیزلیک قومندانی جنرال عبدالرازق نینگ آتی گه نامله‌دی.
جناب غنی، قندهار هوا قونالغه‌سینی هم «احمدشاه بابا هوا قونالغه‌سی» آتی گه نامله‌دی.
قندهارده نطق سوزله‌گن جمهور رئیس غنی، مذکور ولایت هوا قونالغه‌سی‌نینگ منطقه‌نی باغله‌یدیگن نقطه گه اوزگرتیریشی خصوصیده سوز بیریب و قندهار سوداگرلری اروپا و آمریکا بازارلریگه قول تاپیشی خصوصیده زمینه یره‌تیلیشی‌نی بیلدیردی.
قندهار یشاوچیلریدن بیرقطاری، اوشبو ولایتده آچیلگن پروژه‌لر اینیقسه قویاش برق پروژه‌سی آچیلگنیدن خرسندلیک بیلدیرگن.
ایتیلیشیچه، ایرته جمهور رئیس غنی تامانیدن 350 یاتاقلیک قندهار عینومینه کسلخانه‌سی آچیلیشی ممکن و گزارشلر اساسیده، جمعه کون یانیده‌گی هیأت همراهلیگی‌ده زابل کیته‌دی.
