.jpg)
افغانستان توغریسیده یولگه قوییلگن ژنو ییغینی باشلهنیش مراسمیده مملکت جمهور رئیسی محمداشرف غنینینگ ایتیشیچه، افغانستان تعلیم تیزیمیده هیچقندهی اقتصادی ثمره کورینمهیدی.
اونگه کوره، کیشیلر مشخص بولیملرده تعلیم کورمهگن صورتده، اوزگریش یوز بیرمهیدی و بو توغریده مهارتلی کیشیلر ایشگه آلینیشی کیرهک. اونینگ ایتیشیچه، حکومت باشقه تاماندن طبیعی قیناقلرگه دقت قیلهدی. جناب غنینینگ علاوه قیلیشیچه، افغانستان کانلری قازیلیب چیقاریلیشی اوچون بیر تریلیون دالر کیرهک و افغانستان طبیعی قیناقلری قازیلیب چیقاریلگن صورتده، مملکت برقرارلیگی تأمینلنیشی گه یاردم بیرهدی.
شونینگدیک، جناب غنینینگ کانلر قانونی اصلاحاتی توغریسیده ملی بیرلیک حکومت ایشلری خصوصیده ایتیشیچه، حکومت بو توغریده کوپینچه یوتوقلر قولگه کیریتگن.
اوشبو موضوع گه علاوه جناب غنینینگ ایتیشیچه، افغانستان اقتصادینی تیبرهتهدیگنلر ایکینچیلر دیر و اساسی قیینچیلیک ایسه بیرلشمهلر تشکیل ایتیلمهگنی گه بولگن. جمهور رئیس گه کوره، ایکینچیلر محصولاتلرینی پروسس و صادر قیلیشلری اوچون حمایت بولیشی لازم.
جناب غنینینگ کوپهیتیریشیچه، افغانستان صادراتی و وارداتی آرهسیده کته فرق موجود و اوشبو فرقنی اساسی دلیلی ایکینچیلر و باغدارلرنینگ قیینچیلیکلری معلوم بولمهگنی گه دیر.
اونگه کوره، افغانستاننینگ حددن تشقری وارداتینی عامللریدن باشقه بیری اوچ بولیمنینگ قرهمه قرشیلیگیده دیر و بو اوچ بولیم ایسه حکومت، خصوصی بولیم و مدنی جماعهچیلیک تشکیلاتی دییلهدی. اونینگ ایتیشیچه، مذکور اوچ تامان بیر-بیراویگه قرشی تورمهسی کیرهک.
.jpg)
افغانستان جمهور رئیسینینگ ایتیشیچه، ایشلب چیقارووچیلر و صرف قیلووچیلرنینگ آرهسیده علاقه ایجاد ایتیلیشی کیرهک و کیشیلرگه دقت قیلیش جایی گه قوریلمهلرگه دقت قیلینیشی لازم.
جناب غنی، سوزلرینی بیر قسمتیده آست قوریلمهلرگه اشاره قیلیب ایتیشیچه، آست قوریلمهلر اینیقسه برق بولمهگنده اوزگریش کیلتیریب بولمهیدی. اونینگ ایتیشیچه، محصولات صفتینی یوقاری کوتریش اوچون دستلب تعلیم کوریب و اوندن کیین، دنیا بیلن علاقه قوریش درکار.
افغانستان جمهور رئیسی محمداشرف غنی، اوتگن کون کیچ قورون بیر بلند مرتبهلی همراهلیگیده سویس مملکتینینگ ژنو شهری گه ییتیب باردی. جمهور رئیس محمداشرف غنی گه قوشیمچه، افغانستان حکومتینینگ اجراییه باشلیغی عبدالله عبدالله، وزیرلردن بیرقطاری، خصوصی بولیم نمایندهلری و افغانستان مدنی جماعهچیلیگی و شونینگدیک، 60 دن آرتیق مملکت و خلق ارا تشکیلاتلرنینگ نمایندهلری مذکور ییغینده اشتراک قیلگن.
ژنو ییغینی، میلادی 2016- ییلده بروکسل ییغینیده افغانستان گه سوز بیریلگن یاردملر نتیجهسینی تیکشیریش اوچون یولگه قوییلگن.
شو توغریده…
