بوگون «یکشنبه» فاریاب مرکزی میمنه شهریده ریکشا هیداوچیلریدن یوزلرچهسی ناراضلیک نمایش یولگه قوییب ولایت بناسی، ملی خوفسیزلیک ریاستی و مرکزی کسلخانهده ییتیب بارهدیگن تورت یول نی باغلهگنلر.
اعتراضچیلردن فضل احمد و شاه محمدنینگ ایتیشلریچه، اقتصادی وضعیت گه قرهگنده 8 مینگ افغانی سالیق نی بیرالمهیدیلر.
اعتراضچیلرنینگ اورغولشیچه، فاریاب حاکمی اوشبو قیینچیلک نی حل قیلمگن صورتده اولر اعتراضلری گه دوام بیرهدیلر.
سلاموطندارگه صحبت بیرگن فاریاب ترافیک پولیسی نی مدیریت اعضاسی حمیداللهنینگ ایتیشیچه، اعتراضچیلرنینگ بو ایشلری سالیقدن قاچیش نی کورستهدی.
اونگه کوره، ریکشالردن سالیق آلیش بویروغی فاریاب مستوفیتی تامانیدن بیریلگن و اولر بونی عمل گه آشیرهدیلر.
اعتراضچیلرنینگ آرهسیده حضور تاپگن فاریاب حاکمی نقیبالله فایقنینگ ایتیشیچه، اولرنینگ نمایندهلری بیلن صحبت اوتکزیب و بو موضوع نی ییچیشلری ممکن.
ایتیلیشیچه، حاضرگه قدر فاریاب ولایتیده کمیده 4 مینگ ریکشا فعالیت قیلماقده و بولردن یالغیز 700 تهسی دولت گه سالیق تولهیدی.
