.jpg)
پروان ولایتینینگ گلغندی شهرچهسیگه تیگیشلی کته دره ده قوریلیش ماشینلری ایش قیلماقده و شونینگدیک، ایشلاوچیلر تاشلرنی موترلرگه یوکلهیدیلر. کابل-بهسود قوریلیش شرکتی کوپ مدتدن بویان مذکور شهرچهنینگ کانینی قازیب چیقارهدی.
پروان ولایتی کانلر ریاستی باشلیغی عبدالاحد اسدنینگ ایتیشیچه، کابل-بهسود شرکتی چاریکار شهریده 1.7 کیلومتر اوزونلیگی بولگن جاده گه قیر توکیش شرطنامهنی امضاءلگن. عین حالده، کته دره ده بولگن کاننی قوریلیش تاشلری و کرش جغَل نی قازیب چیقاریش ایستک نامهسینی پروان ولایتینینگ کانلر ریاستیگه تاپشیرگن.
بیراق، کورینیشیچه جادهنی قوریش ایشی بوتونلهی توختهتیلگن و شونینگدیک، جناب اسدنینگ ادعا قیلیشیچه، بو شرکت نامعلوم دلیللر بیلن کاننی قازیب چیقاریش شرطنامهنی بوشتگن.
کاننی قازیب چیقاریش شرطنامه بوشهتیلگنیدن ایکی آی اوتهدی، بیراق کابل-بهسود شرکتی پروان ولایتینینگ امنیتی ادارهلری و کانلر ریاستینینگ کوزینی اونگیده کونده کته دره کانیدن کمیده اون موتر جغل و قوریلیش تاشلرنی قازیب چیقارهدی و اونی بدلیگه حاضرگهقدر محلی حکومت گه بیر افغانی هم بیرمهگن.
.jpg)
کابل-بهسود قوریلیش شرکتینینگ مستری و ایشلاوچیسی نعمتالله و توفاننینگ ایتیشیچه، اوشبو کانده چمهسی 10 ایشلاوچی و فرمان بیرووچی ایش قیلهدی و کونده 10 موتر تاش یوکلهیدی.
کابل-بهسود شرکتینینگ اصلی مسؤوللری بیلن سوزلشگه مؤفق بولمهدیک، بیراق نتیجهده کان ناقانونی شکلده قازیب چیقاریلیشی و چاریکار شهرینینگ جادهسینی قوریلیش ایشی توختهتیلگنی توغریسیده بولگن ادعالرگه جواب بیریش اوچون مذکور شرکتنینگ انجنیرلری و ایش ایگهلریدن بیرقطاری حاضر بولدیلر.
کابل-بهسود قوریلیش شرکتی انجنیری رحمتگلنینگ ایتیشیچه، بو شرکت بسمالله ناملی بیر کیشینینگ واسطهچیلیگی بیلن شرطنامه امضاءلگن و بو کیشی پروان کانلری ریاستی بیلن شرطنامه امضاءلگن.
شونینگدیک، چاریکار شهرینینگ جادهسینی قوریش پروژه مسؤولی محمدقاسم هم رحمتگلنینگ بیاناتلرینی تصدیقلیدی. او، پروژه ایشی توختهتیلیشی گه قطار زورهوان کیشیلرنینگ قولی بارلیگینی ایتیب و ادعا قیلیشیچه، بو شرکت کته دره کانینی قازیب چیقاریش اوچون منفعتی بار کیشیلر بیلن کیلیشگن. کاننی قازیب چیقاریش اوچون جواز کیرهکلیگی توغریسیده چاریکار شهرینینگ جادهسینی قوریش پروژه مسؤولینینگ ایتیشیچه، «جوازنی وقتی کوپ بولگن کیشیلر آلهدی.»
بیراق، بو کیلیشوو قندهی بیر شکلده قولگه کیلگنی و کاننی ناقانونی قازیب چیقاریشگه توسیق بولگنلر قندهی ناقانونی قازیب چیقاریش گه تَن بیرگنلری، اصلاً بیللی ایمس.
.jpg)
شونینگدیک، مذکور شرکت مسؤوللرینینگ ایتیشیچه، اوشبو کاننی قازیب چیقاریشده هوفیان شهرچهسینی مسؤوللری بیلن کیلیشگنلر؛ عین حالده، بو شهرچه و اونینگ مسؤوللرینی کان بیلن هیچ قندهی علاقهسی یوق دیر.
کابل-بهسود شرکتی تامانیدن قازیب چیقاریلهدیگن کان، پروان حاکمینینگ دفترینی 1 کیلومترلیگیده جایلشگن.، پروان حاکمی سوزلاوچیسی وحیده شهکارنینگ ایتیشیچه، اولر بو قضیهدن خبر سیز دیر. اونینگ ایتیشیچه، بو موضوع نی امنیتی کوچلر بیلن شریک قیلهدیلر و تیزلیکده آلدی آلینهدی.
امنیتی ادارهلرنینگ فکرینی اورگهنیش اوچون پروان پولیس قومندانلیگیگه باردیک. بیرینچی کونده پولیس قومندانی و خوفسیزلیک آمری شامل امنیتی مسؤوللردن هیچ بیری ایش دفتریده یوق ایدی و ایکینچی کونده پروان پولیس قومندانی محمدزمان مموزی، بو توغریده معلومات بیرمهدی.
کته دره تاش کانی شهید احمدشاه مسعود شهرچهسیدن یوقاری و گلغندی تفریگاهی یانی و چاریکار شهرینینگ غربی منطقهسیده جایلشگن.
