افغانستان جمهورلیک ریاستی تامانیدن جاری هفته شنبه کونی نشر قیلینگن خبرنامهده ایتیلیشیچه، جمهور رئیس غنی 34 ولایت نینگ والیلری و خوفسیزلیک مسؤوللری بیلن اوتکزگن بیر ویدیو کنفرانسده ملی درآمد توپلهنیش جریانی اوستیگه تأکیدلگن.
اوشبو ویدیو کنفرانسده جمهور رئیس غنی نینگ والیلر، مدافعه و خوفسیلیک مسؤوللری گه بویروغ بیریشیچه، ملی درآمد کوپهییشی اوچون وقتی بیلن قانونی شکلده فعالیتلری، گمرکلرنینگ شفافیتی گه دقت قیلیب و نظارتلری آشیریشلری کیرهک.
جمهور رئیس غنی آرقهلی بولگن ویدیو کنفرانس دن سونگ، کوپینچه ولایتلرنینگ والیلرینی آگاهلنتیریشیچه، سالیق بیریشدن قاچگن کیشیلر بیلن قانون اساسیده، یاندهشیلهدی.
نیمروز ولایتی نینگ والیسی سیدولی سلطان، اوشبو لایتده درآمد کوپهییشی اوچون ملی و کته بیر کمپاین باشلنگنیدن خبر بیریب ایتیشیچه، هیچ بیر کیشی گمرکلردن تاولانچیلیک قیله آلمهیدی.
اوشبو ویدیو کنفرانسدن سونگ، ننگرهار والیسی شاهمحمود میاخیل نینگ مذکور ولایتدهگی درآمدلی ادارهلرگه بویروغ بیریشیچه، ملی درآمد کوپهییشی اوچون سالیق بیریشدن قاچگنلرنینگ آلدی آلینهدی.
شونینگدیک، تخار والیسی نینگ سلاموطندارگه ایتیشیچه، جمهور رئیس غنی والیلر بیلن اوتکزگن ییغینده ملی درآمد جدی شکلده توپلهنیشی اوستیگه تأکیدلگن.
بیراق، ولایتی کینگش اعضالری، سیاسی و مدنی فعاللردن بیرقطاری، جمهور رئیس نینگ بو ایشینی سوراقلی دییشهدی.
هرات ولایت کینگشی اعضاسی کبیر ایثارنینگ ایتیشیچه، جمهور رئیس غنی اوتگن بیش ییلده نیمه اوچون سالیق دن قاچگنلرنینگ آلدینی آلیش و ملی درآمد توپلهنیشی خصوصیده، والیلرگه باسیم کیریتمهگن و حاضر بو ایش گه قول اورگن.
جناب ایثارگه کوره، موجود شبهلرگه قرهگنده حکومت دولت نینگ بوش خزانهسینی تولدیریش اوچون سعی و حرکت قیلهدی.
شونینگدیک، هرات بیلیم یورتی نی استادی داوود عرفان نینگ ایشانچی گه کوره، جمهور رئیس غنی نینگ رهبرلیگیده بولگن دولت قورووچی تیمی سیلاو کمپاینلریده دولت خزانهسیدن کوپلب پول صرفلهگن و حاضر ایسه والیلرنینگ اوستیگه باسیم کیریتیب و بوشهلگن خزانهنی تولدیریش اوچون سعی و حرکت قیلماقده.
جناب عرفان سیلاو ایرکین کمیسیونلریدن سیلاو تیملری نینگ خرجت قیناقلرینی معلوم قیلیشلرینی سورهگن.
شونینگدیک، مدنی فعاللردن بیرقطاری، جمهور رئیس غنی نینگ رهبرلیگیده بولگن دولت قورووچی تیم نینگ سیلاو کمپاینلریده دولت پوللرینی صرفلش گه عیبلب ایتیشیچه، جمهور رئیس غنی تامانیدن والیلرگه باسیم کیریتیلیشی جمهور رئیس تامانیدن دولت نینگ بوشهلگن خزانهسی تولدیریلیشی اوچون سعی و حرکت بولیشینی کورستهدی.
سیلاو ایرکین کمیسیونی تامانیدن بیریلگن معلومات اساسیده، جمهور رئیس غنی رهبرلیگیده بولگن دولت قورووچی تیمی سیلاو کمپاینلریده 201 میلیون و 160 مینگ و 513 افغانی صرفلهگن و سیلاو خرجتی نقطهی نظریدن بو تیم بیرینچی درجه ده توختهگن.
شونینگدیک، اوشبو گزارشده جمهورلیک ریاست سرایی نینگ فکرینی اورگهنیش اوچون علاقه قوردیک، بیراق، جدی سعی و حرکتلر نتیجهسیده مؤفق بولمهدیک.
