افغانستان مالیه وزیرلیگی بیلن چین ایلچیلیگی اورتهسیده 72میلیون دالرلیک شرطنامهگه قول قوییلدی.
مملکت مالیه وزیری اکلیل حکیمی، اوشبو شرطنامهگه امضا چیکیش مناسبتی بیلن اوتکزیلگن ییغینده، مذکور مبلغ اوی، دولت ادارهلری، تیمیر یول، سوو توغانی، کانلرنی قازیب چیقاریش، ایکینچیلیک، سوو منبعلری و یول قوریش کبی لایحهلرگه صرفلنهدی دیگن.
جناب حکیمی، چین نینگ مذکور 72 میلیون دالر، رسمی پیکینگ نینگ میلادی 2014 و 2017- ییلدهگی افغانستان اوچون سونگی یاردمی حسابنلهدی دیدی.
شونینگدیک مالیه وزیری، چین دولتی نینگ افغانستان حکومتیگه کورستهجک یاردملرینینگ ینگی باسقیچی تیز آرهده باشلنهدی دیگن. چین دولتی رسمی کابلنی ترانزیتی یول، ایپک یولی، تیمیر یول، آستقورمه و فایبرنوری رواجلهنیشی کبی برنامهلر تطبیق بولیشی خصوصیده کومک قیلهدی دیگن جناب وزیر.
چین نینگ افغانستاندهگی ایلچیشی یوجینگ، مملکتی افغانستاننی تورلی ساحهلرده همکارلیک قیلیشی اوچون بیرگن وعدهسیگه عمل قیلهدی دیگن.
مالیه وزیرلیگی نینگ رسمیلری، رسمی پیکینگ میلادی 2014 – ییلدن 2017- ییلگه قدر افغانستان حکومتیگه 330 میلیون امریکا دالر کومک قیلگن لیگینی ایتهدیلر.
