بوگون «شنبه» هراتنینگ قطار سوداگرلری مذکور ولایتنینگ صنعت و سوداگرلیک اتاقیده ناراضلیک بیر ییغین اوتکزیب ایتیشلریچه، بو ولایتدهگی بانکلردن پول چیقاریش اوچون یرهتیلگن چیکلاولر، اولرنینگ سوداگرلیگی نی قیینچلیککه روپه رو قیلگن.
اولرنینگ ایتیشیچه، سوداگرلیک توارلرنی سودا ساتیغی بانکلر آرقلی صورت تاپهدی؛ بیراق نیچه آی دن بویان سوداگرلر مذکور ولایتنینگ بانکلریدن دالری پوللری نی چیقرالمهیدیلر.
بو قطار سوداگرلرنینگ ایتیشیچه، اولرنینگ بانکی حسابلریده میلیونلب دالر پول لری بار؛ بیراق بو بانکلرده چیکلاو یرهتیلگنی سبب، اولر بیر آیده یالغیز 10 مینگ دالر چیقرالهدیلر.
هراتنینگ صنعت و سوداگرلیک اتاقی باشلیغی سعد خطیبی سوداگرلرنینگ پوللریگه چیکلاو یرهتیلگنیدن تنقید قیلیب ایتیشیچه، بو قیینچیلیک حل بولمهگن صورتده، سوداگرلر سرمایهلرینی اولکه دن تشقی چیقاریش گه مجبور بولهدیلر.
اولرگه کوره، هراتنینگ بانکلری بعضن 5 مینگ دالر هم بیرالمهیدی. اولرنینگ کوپهیتیریشلریچه، بانکدارلر دالر بیرمسلیگلری نی سببی پوللرنی اولکهدن تشقی قاچاق بولیشی آلدی آلینیشی دیب ایتهدیلر.
هرات ده غضنفر بانکی و افغان یوناتید بانکی مسئولری سوداگرلرنینگ قیینچلیگی نی تن آلیب ایتیشلریچه، مرکزی بانک بویروغی اساسیده اولر مشتریلریگه کوپ مقدار دالر بیرالمهیدیلر؛ بیراق افغانی پول تولهش گه هیچ قندی قیینچلیگلری یوق.
اولر دالرنینگ ایران ده قاچاق بولیشی نی بانکلردن پول چیقاریش اوچون یرهتیلگن چیکلاولردن دیب بیلهدیلر.
بو توغریده مرکزی بانک نی فکرینی اورگنیش ایستهدیک؛ بیراق کوپینچه سعی و تلاش بیلن موفق بولمهدیک.
