دموکراسی و تینچلیک برابرلیگی اوچون ناملی نهادنینگ (بازار تیکشیرووی) ناملی تحقیقی گزارشنی کورسهتیشیچه، مملکت بویلب سوداگر عیاللردن حمایت قیلیش قانونی موجود، اما مذکور قانون عملگه آشیریلیشیگه حکومت عاجز قالگن.
گزارش نینگ کورسهتیشیچه، عیال سوداگرلردن 4 فایزیگه مالی حساباتی بولگن و رسمی نهادلر اعضاسی دیرلر.
کابلده بو نهادنینگ اعضالریدن عبدالحلیم اچکزی نینگ چهارشنبه کونگی اوشبو گزارش ترقهتیش پیتیده ایتیشیچه، سوداگر عیاللرنینگ افغانستانده سوداگرلیک بوییچه سواد سیزلیگی، مالی منبعلرگه قوللری ایتمهگنلیگی، اجتماعی قیینچیلیکلر و اهالی نینگ آگاهسیزلیکلری ییریک معمالردن دیب کورسهتیلگن.
جناب اچکزیگه کوره، بو گزارش اوچ بولیمدن عبارت بولیب، عیاللرنی کیلهسی اقتصادلری، بوقتلم نینگ اجتماعی و حقوقی مسألهسی و خصوصی سکتورلرده بولرنینگ نقشی کوزگه توتیلگن. جناب اچکزی نینگ بیلدیریشیچه، ایریم معمالر سبب افغانستان اقتصادی و تجارتی بوییچه ایرککلرگه قره گنده عیاللرنینگ سهمی آز کورسهتیلگن.
تجارت و صناعت وزیرلیگینینگ خصوصی بولیم معینی عبدالباری رحمان نینگ اوشبو کونده (سوداگرعیاللرنینگ مالی منبعلرگه قولی ایتمهگنی ) ناملی ایری بیر اولتیریشده ایتیشیچه، قرض بیره دیگن بانکلر بولمهگنلیگی و مالی مبنعلرنی بولر اوچون آزلیگی ییریک معمالردن سنلهدی.
دموکراسی و تینچلیک برابرلیگی اوچون نهادنینگ تحقیقلری کورسه تیشیچه، 2003- ییلدن بویان سوداگر عیاللرگه بیریلگن فرصتلر قانیقتیرمیدی.
بو تحقیق ایکی آیی دوامیده سوداگر عیاللردن 30 تهسی بیلن صحبت اوتکزیشلری بیلن قولگه کیلگن.
