چمهسی بیر آیدن بیری مملکتنینگ بازارلریده یاقلیغی مادهلر نرخی کوتیلمهگن پیمانهده کوتاریلدی. گاز نرخینینگ ثابت بولمهگنی، بازارلرده نرخنامه یوقلیگی و گاز نرخی یوقاری کوتاریلیشی خلق نینگ تشویشیگه باعث بولگن. اهالی، حکومت بازارنی نظارت قیلمدی دیگنلر.
پایتخت کابل نینگ یشاووچیلری، سونگی کونلرده بیر کیلو گاز بازارده 45افغانیدن 70 افغانیگه کوتاریلگن دیدیلر. شونینگدیک سونگی بیر هفته ایچیده بیر کیلو گاز نرخی 10 افغانی کوتاریلگنی اهالی تامانیدن تیلگه آلینگن.
نفت و گاز تصدی ادارهسینینگ مسووللری، ایکّی کوندن کیین مملکت بازارلریده گاز نرخی ارزان بولهدی دیگن ایدیلر. لیکن، بو وعدهدن اون کون اوتیشیگه قرهمی، یاقیلغی مادهلر نرخی همان سابق حالتده قالمهگن، بلکه نرخلر ینه کوتاریلگن دیگنلر.
نفتی مادهلرتصدی ریاستینینگ باشلیغی صمیم ولی، وعدهلری عملگه آشیریلمهگن لیگی خصوصی شرکتلر مینسیمسلیکلرینی تیلگه آلگن. جناب صمیم، بازارلرده گاز نرخی ارزان بولیشی اوچون نفت گاز تصدی ادارهسی رقیب صفتیده بازارگه گاز چیقارهدی.
.jpg)
جناب صمیم، گاز و نفت مادهلر تصدی ریاستی کیلگوسی هفته بیر کیلو گاز 45 افغانیدن 55 افغانی ساتیشنی نظرده توتگن دیدی.
گاز و نفتی مادهلر تصدی ادارهسینینگ باشلیغی، اهالینینگ گازگه بولگن احتیاجی برطرف ایتلیشی اوچون ایران، اوزبیکستان، آذربایجان و قزاقستان دولتلریدن گاز ساتیب آلینهدی دیگن.
هر ییل کوز همده قیش فصلی ییتیب کیلیشی بیلن مملکت بازارلریده یاقیلغی مادهلر نرخی کوتیلهگن درجهده قیمت بولهدی.
حال بوکه، تیگیلشی وزیرلیکلر هر دایم گاز و نفت نرخی افغانستان بازارلریده ارزان بولیشی اوچون سعی وحرکت قیله دیلر.
