کرونا ویروسی سبب تعین قیلینگن چیکلاولر کوتاریلگنیدن سونگ، بامیانده محلی محصولاتلرنینگ بیرینچی یاز موسومی کورگزمهسی یولگه قوییلگن.
اوشبو کورگزمهده صناعتچی عیاللر و ایکینچیلر قول صناعتلری و ایکینچیلیک محصولاتلرینی نمایش گه قویگنلر.
بامیان حاکمی سیدانور رحمتی نینگ ایتیشیچه، اوشبو کورگزمهدن مقصد صناعتچی عیاللر و ایکینچیلردن حمایت بیلدیریش دیر.
جناب رحمتی، هییت کونلریده کوپقطار سیاحتچیلرنینگ بامیان ولایتیده سفر قیلگنلریدن خبر بیریب و اولردن محلی محصولاتلر کورگزمهسیدن کوریب چیقیشلرینی ایستهگن.
بامیان صناعتچی و ایکینچیلر اوشبو کورگزمه یولگه قویلیشینی خوش قرشیلب و شوندهی کورگزمهلرنینگ یولگه قویلیشی بازار تاپیش، قول صناعتلری و ایکینچیلیک محصولاتلرنی تانیتیش اوچون فایدهلی عنوان قیلگنلر.
صناعتچی عیاللردن بولمیش عذرا لعلی و زهرا کاظمی نینگ ایتیشیچه، قرنطینه کونلرده تولید قیلگن قول صناعتلرینی نمایشگه قویگنلر و اولرنی ساتیش بیلن عایلهلری نینگ نیازلرینی تامین قیلهدیلر.
مذکور کورگزمهدن کوریب چیقگن بیرقطار کیشیلر، بامیان ایکینچیلیک محصولاتلری و قول صناعتلرینی کیفیتلی عنوان قیلگنلر.
