ترکمنستاندن افغانستان کیلهدیگن برق (توتاپ) لایحهسی سالنگلردن اوتیشی بیلن بامیان و دایکندی هم قوریق قالمیدی. میلادی 2013 دن حاضرگه قدر بو مسأله قیسی یولدن کیلتیریلیشی بارهسیده تاپیلگن قرمه قرشیلیکلر باعث کیینگه قالگن ایدی.
بوگون سوو برق وزیرلیگی رسمیلری و افغانستان برقینی تأمین قیلهدیگن شرکت (برشنا) کابلده بیرلگهلیک خبری اولتیریشده، مذکور چیزیقنی سالنگدن اوتیشی بیلن 300 میگاوات برق پروان ولایتیدن بامیان و دایکندی ولایتلریگه انتقال بیریلیشیگه سوز بیردیلر.
سوو برق وزیرلیگی نینگ مالی و اداری معینی امانالله غالب نینگ ایتیشیچه، مذکور لایحه عملگه آشیریلیشی اوچون کیرهکلی مالی و تخنیکی امکانیتلر بولر اختیاریده قوییلگن و تصمیملر نهایهسیگه ایتیشی بیلن عملگه آشیریلیش ایشلرینی باشلشلری ممکن.
جناب غالب، مذکور لایحه پلخمریدن کابلگه قدر کیلتیریلهدیگن بودجهسی 117 میلیون دالر هزینه آلهدی که بو مبلغ امیریکه قوشمه ایالتی و جاچان مملکتلری تمویل قیلیشی بیلن بیریلیشینی معلوم قیلدی.
سوو برق وزیرلیگی نینگ مالی و اداری معینی نینگ آگاهلنتیریشیچه، شو میلادی ییل دوامیده مذکور لایحه عملی بولمهگن صورتده، جاپان لایحه نینگ 12 میلیون هزینهسینی که بامیان ولایتیگه ایلتیش مسؤولیتی ذمهسیگه دیر، قیتیب آلیشی ممکن.
اما جمهور رییسلیک سرایی نینگ ایکینچی اورین باسرلیک دفتری اعلامیه ترقهتیشی بیلن پروان ولایتی نینگ پشتهسرخ منطقهسیدن سوو برق وزیرلیگی و برشنا شرکتی تامانیدن بامیان ایلتیش لایحهسی عملی بولیش وعدهسینی بیرگنلیگی بارهسیده، حاضرهم بو لایحه ایشانچ سیزلیکلر بیلن و مذکور لایحه عملی بولیشیگه ضمانت یوقلیگینی معلوم قیلگن.
آلمانلیک فیشنر شرکتی افغانستان برقی نینگ 20 ییللیک ماستر پلانینی اوز ذمه سیگه آلگن، 3 ییل آلدین بامیان یولینی سالنگلر بیلن ماسلشتریب کوریشی بیلن مذکور لایحه بامیاندن اوتیشیگه تأکید قیلگن ایدی. اوشبو تیکشیروو اساسیده، بامیانده دره صوف تاش کومیر کانی بولگنلیگی دلیل مذکور لایحهدن فایدهلنیشینی اورغولهگن ایدی و سالنگلردن کوره بویول قار کوچیش و ییر قیمیرلش خطرلریدن اوزاقلیگینی معلوم قیلگن ایدی.
بیراق سوو برق وزیرلیگی بامیاندن کوره، سالنگلر یولی یقینلیگیگه تأکید قیلگن و مذکور چیزیق سالنگلردن اوتگن صورتده آز زماننی اوزیگه آلیشی یانیده، 21 دن 34 میلیونگه قدر هزینه آلیشی ممکن بولهدی دیب تخمین قیلگن ایدی.
