سلاموطندارنینگ قولگه کیریتگن حجتلرینی کورسه تیشیچه، 1390- ییلدن 1394- ییلگه قدر افغان کارت قوشمه شرکتی باشلیغی محمدظریف ارغند، دولت خزانهسیدن 96 میلیون افغانینی 4 لایحه عملگه آشیریشی بیلن تالان قیلگن. جناب ارغند، سوداگرلیک و صناعت وزیرلیگی نینگ تجارت بولیمی معینی مزمل شینواری، سوداگرلیک و صناعت سابق معینی (متصل کمکی) ایشلر و اجتماع وزیرلیگی نینگ ایشلر قانونی و حقوقی باشلیغی غلاممصطفی هارونی، اداری فسادگه قرشی عالی کمیته تصدیلر تفتیش ریاستی باشلیغی واحدیلر یاردمی بیلن نه فقط دولت خزانه سیدهگی داراییلرنی تالان قیلگنلر، بلکیم توسیق چیقگن شخصلرنی، یوقاریده اسملری یازیلگن شخصلر یاردمی بیلن یا ایشدن آلگن ویا هم ایشینی کیچیک قیلگن.
مذکور گروه دولتی ادارهلرده علاقه قوریشلری بیلن تلاش قیلگنلر تا ورق بازیلیک بیلن دولت خزانهسیدن افغان کارت شرکتی تامانیدن تالان بولگن داراییلرنی یوزیگه توپراق سورماقچی بولگنلر.
1390-ییل ایلکبار محمدظریف ارغندنینگ فسادگه قولی بارلیگی مملکت جنوبیدهگی فسادگه قرشی کوره شهدیگن اداره تامانیدن بیلدیریلدی و جنوبی ولایتلردهگی اداری فسادگه قرشی کوره شهدیگن اداره بیلن ورقبازی لیکلری باشلندی.
بولردن هربیری باشقه ارگانلرنی اوزلریگه حجت قرار بیریب، افغا کارت قوشمه شرکتیده بولگن فسادنی یاشیریشگه کورهشگنلر.
شو بیلن بیرگه، لوی سارنواللیک ادارهسی ایکی ایری زمانده – ایکی مرته فسادگه قرشی کوره شهدیگن یوکسک اداره دن بوبارهده اوتکزگن تیشکیروولرینی سوریدی، اما لوی سارنواللیک نینگ بو ایستهگی مذکور ادارهلر ایچیده ورقبازی لیک بیلن یوقالیب کیتهدی.
تصدیلر عالی تفتیش ریاستی، 6 مرحلهده 96 میلیون افغانیدن آشه فسادنی مذکور اداره مالی و تدارکاتی قانونی نینگ تورتینچی مادهسیگه قرشی دیب بیانات بیرگن. اما اخرده اصلاح بولیش فکرینی بیرهدی و فسادگه قرشی کورهشیش یوکسک ادارهسی و سوداگرلیک و صناعت وزیرلیگیگه یوبارهدی.
نتیجهده، محمدظریف ارغندنینگ برچه فسادکارلیکلری اوستی یاپیلیب قالهدی و کیشی بوبارهده تحقیق اوتکزمیدی.
اما جناب ارغند سلاموطندارگه رسمی نامه یوباریشی بیلن تصدیلر تفتیش ایتیش یوکسک ریاستی نینگ ارایه قیلگن نظرینی رد قیلگن.
نیچه کون اوتمسی، سوداگرلیک وزیرلیگی نینگ اداری و مالی ایچکی فساد تفتیش قیلیش ادارهسی افغان کارتده روی بیرگن فساد بارهسیده قیلگن اشتباهلرینی بیلهدی و بو بارهده تحقیق بولیشینی ایستهیدی. اما او زمانده صناعت و سوداگرلیک وزیرلیگی نینگ صناعت معینی متصل کمکی ایچکی تفتیش ادارهسی قولینی بویولدن کیسهدی و جناب ارغندنینگ قیلگن تالانلری یاشیریلیشی اوچون شرکتده حجت تیارلیدیلر.
جناب ارغندنینگ شرکتده ینه هم قولی آچیق ایش قیلگن بولسه، شرکت سابقهلی ایشلاوچیلریدن 10 گه یقین کیشینی یا ایشدن آلهدی و یاهم ایشینی کیچیک قیلهدی.
90-ییلده افغان کارت شرکتی اورین باسری فیضمحمد سدوزایی نینگ، محمدظریف ارغند بیلن موترلر قیته قوریش هزینهسی اوستیده جنجاللری چیقهدی. بیرینچیدن، محمدظریف ارغند یلغاندن کسللیک تصدیقی بیلن اونی مملکت جنوبیده یوبارهدی. اوندن کیین ایش و اجتماع وزیرلیگی نینگ ایش قانونی و حقوق بولیم باشلیغی غلاممصطفی هارونیگه مکتوب یازیشی بیلن فیضمحمد سدوزایی نینگ تحصیل دورهسی بیلن عسکرلیک دورهسی بیر زمانده بولگنلیگینی بیلدیرهدی.
هارونی تهمت بارهسیده نامه یوباریشی بیلن عسکرلیک دورهسی قانونی و تحصیل دورهسینی ناقانونی دیب یازگن. قیزیغلیگی بونده دیر که نه فقط فیضمحمد یوکسک تحصیلات وزیرلیگیدن فراغت حجتینی قولگه کیریتگن، بلکه تحصیل دورهسیده ایچکی ایشلر وزیرلیگی نینگ اجازه نامهسینی هم قولگه کیریتگن.
هر حالده، ایشنی کیچیک قیلیش جمهور رییس نینگ صلاحیتلریدن بیری دیر، اما محمدظریف ارغند بیرگهسیگه بولگن یاردمچی گروه، فیضمحمد سدوزایی نینگ بیرینچی بستدن آلتینچی بستگه ایشینی کیچیک قیلیب، بلخ ولایتیده تبدیل قیلگنلر. و اخرده فیضمحمدنی 35 ییل افغان کارت قوشمه شرکتلریده ایش قیلیشی بیلن منفک بولیشیگه زمینه یرهتهدیلر.
شرکت ایشلاوچیلریدن فیضمحمد سرنوشتیگه یولیقگن، باشقه بیش کیشی 1394-ییل جمهورلیک سراییگه شکایت قیلهدیلر و ایشدن آلینیشی و ایشینی کیچیک قیلینیشی بارهسیده تحقیق بولیشینی ایستهدیلر. جمهور رییسنینگ اجتماع وایشلر بویچه ایریک مصحلتچیسی اسدالله وفا، تجارت وزیرلیگیدن محمدظرییف ارغندنینگ جمهورلیک سرایی 8- فرمانیگه قرشی علم قیلگنلیگی اوچون عدلی و قضایی نهادلرگه معرفی بولیشینی رسمی مکتوب آرقهلی ایستهیدی. اما مزمل شینواری جمهور رییس ایریک مصلحتچیسی نینگ دفتریدن کیلگن نامه جوابیگه شرکت ایشلاوچیلریدن بیرینینگ محمدظریف ارغند بارهسیده قیلگن بهانه لرینی، اونینگ ریاستی و صلاحیتیگه قرشی دیب ارغندنینگ ایشلریدن دفاع قیلهدی.
100 دن آشه تورلی حجتلرنی کورگن هر بیر کوروچی، مذکور گروهنینگ اداری و مالی بولیملرده جمهور رییسدن کوره صلاحیتلیک دیب بیلهدی و هر بیر ایشنی ایستهگن حالده راحتلیک بیلن بجرهدیلر و اونی هم ورقبازلیکلر بیلن یاشیره آلهدیلر دیب توشینهدی.
نه فقط بو حجتلر افغان کارت قوشمه شرکتلریده بولگن تالانلیکلرنی کورستهدی، بلکیم جمهور رییس نینگ فرمانلری و قانونگه قرشی بولگن ایشلرنی هم بیلدیرهدی. حجتلرجعل کارلیگی مذکور گروه اساسی ایشلریدن بیری بولگن؛ نیگه دیگنده بولر اوز ارا چقور علاقه و رابطهلرگه باغلنگنلر و هر بیر قیینچیلیک و توسیق بولگنده بیراویدن حمایت قیلگن. یلغوز منه شو حجتلر اوزی مملکتده اداری فساد یوکسلگنلیگینی کورستهدی.
