افغانستان گه ایران دن کیلهدیگن برق نیچه مدتدن بویان وقتینچهلیک شکلده کیلیب و کیتووگه باشلهگن. برق کیلیب و کیتیشی نهفقط هرات اهالیسینینگ اوستیگه تأثیر تشلهگن؛ بلکیم مذکور ولایتده ایشخانهلرنینگ اوستیگه هم تأثیر قویگن.
هرات ولایتیده کانلر و صناعت بیرلشمهسی باشلیغی حمیدالله خادمنینگ ایتیشیچه، چیت ایل مملکتدن کیلهدیگن برق کیلیب و کیتیشی باعث، صنعتی شهرچهنینگ 320 ایشخانهسی توختهتیلگن و شونینگدیک، مذکور ایشخانهلرنینگ ایگهلریگه میلیونلرچه دالر زیان ییتکیزگن.
خادمنینگ ادعا قیلیشیچه، حاضرگچه هیچ بیر اداره یا-ده مسؤول، صنعتی شهرچهده بولگن برق قیینچیلیگیگه دقت قیلمهگن. اونینگ آگاهلنتیریشیچه، حکومت اوشبو قیینچیلیکنی حل قیلیش اوچون اساسی لایحه قولگه آلمهگن صورتده، ایشخانه ایگهلری و ایشلاوچیلری ناراضیلیک نمایشگه قول اوروشلری ممکن.
اونگه کوره، توختهتیلگن ایشخانهلرنینگ برچه ایشلاوچیلری، وقتینچهلیک رخصت بیریلگن.
هرات ولایتینینگ صنعتی شهرچهسیده تولیدی ایشخانهلردن بیرینی ایگهسی حاجی عطاالله وردکنینگ ایتیشیچه، ایران دن کیلهدیگن برق کیلیب و کیتیشی میلیونلرچه دالر قیمتی بولگن کته ماشینلریدن بیرینی بوزیلیشی گه سبب بولگن و او، ایشخانهسینینگ 300 ایشلاوچیسینی رخصت بیریشگه مجبور دیر.
تولیدی ایشخانهلردن باشقه بیرینی ایگهسی محمدلطیف قناویزیان، حکومتدن صنعتی شهرچهده برق قیینچیلیگینی اساسی شکلده حل قیلیشینی سورهیدی.
اونینگ ایتیشیچه، حکومت هرات ولایتینینگ صنعتی شهرچهسیده برق قیینچیلیگینی اساسی شکلده حل قیلیشی کیرهک و قوشنی مملکتلردن کیلهدیگن برق گه بدیل تاپیشی لازم.
اونینگ کوپهیتیریشیچه، ایشلب چیقاریلهدیگن برق دن فایدهلنیش اوچون بدیل گزینهلردن بیری سلما توغانی دیر.
هرات حاکمی سوزلاوچیسی جیلانی فرهادنینگ ایتیشیچه، صنعتی شهرچهنینگ برقی قیینچیلیگی برشنا عمومی ریاستی و مرکز رسمیلری بیلن شریک قیلینگن و اوشبو قیینچیلیک تیزلیکده حل ایتیلیشی ممکن.
فرهادنینگ اورغولشیچه، هرات حاکمی ایران دن کیلهدیگن برق قیینچیلیگینی دیپلوماتیک یول بیلن حل قیلیشی توغریسیده، سعی و حرکت قیلهدی.
بو توغریده برشنا عمومی ریاستینینگ فکرینی اورگهنیش اوچون علاقه قوردیک، بیراق مؤفق بولمهدیک.
عین حالده، صنعتچیلر حکومت سلما توغانیدن ایشلب چیقاریلهدیگن برق نی صنعتی شهرچه گه انتقال بیریب و ایشخانهلرنی تیزلیکده توختهتیلیشیدن قوتقریشی خصوصیده، امید بیلدیرهدیلر.
