بدخشان مستوفیتینینگ ملازملرینینگ ایتیشیچه، بو اداره درآمدی مالیه وزیرلیگی تمانیدن بیریلگن 10.4فایزلیک لایحهدن و اوتگن ییلدن کوره 16.4فایز یوقاری کیتگن.
بدخشان مستوفیتینینگ ملازملری بو ولایت کانلری حکومت تمانیدن چیقاریلگن حالده بو اداره درآمدی یوقاری کیتیشیدن خبر بیرهدیلر.
بدخشان مستوفیسی محمد اسلم گدازنینگ معلوم قیلیشیچه، سالیق توللش کمپاینی یولگه تشلهنیشی نتیجهسیده بو ادراه درآمدی اوتگن ییلدن کوره 16.4 فایز یوقاری کیتگن. گدازگه کوره بدخشان مستوفیتی کانلردن هیچ قندهی درآمد قولگه کیلتیرمهگن.
بدخشان ایکینچی پیاده لواسینینگ قومندانی محمد نعیم مجیدی، بدخشان کانلری بولگن منطقهلر دولت نظارتی دن تشقری ایکنینی اورغولهماقده.
بدخشان مستوفیتینینگ ملازملری محلی حکومتنینگ ییلیک خرجتی 3میلیارد و 810 میلیون افغانی بولگنینی ایتیب، مستوفیت ادارهسینینگ درآمدی 10فایزدن کمراغینی تامین قیلیشینی معلوم قیلهدیلر.
بدخشان مستوفیتی ملازملرینینگ ایتیشیچه، کانلر چیقاریلیشی بیلن محلی حکومت اوز خرجتینی قولگه کیلتیریش گه قادر بولیشی ممکن.
